سه‌رۆك بارزانى و بۆریس جۆنسۆن كۆمبوون

بەلاڤ بکە

 

 

گاڤ

سه‌رۆك بارزانى و بۆریس جۆنسۆن، سه‌رۆكوه‌زیرێن پێشتر یێ بریتانیا كۆمبوونن سه‌رۆك بارزانى راگه‌هاند، هێشتا شه‌ڕێ داعشێ مایه‌ و ب شه‌ڕێ سه‌ربازى ب دوماهى ناهێت.

ئه‌ڤرۆ دوشه‌مبێ سه‌رۆك بارزانى پێشوازى ل بۆریس جۆنسیۆن، سه‌رۆكوه‌زیرێن پێشتر یێ بریتانیا كر، بۆریس جۆنسیۆن خۆشحالیا خۆ ب دیدارا سه‌رۆك بارزانى ده‌ربڕى و ستایشا رۆلێ سه‌رۆك بارزانى د به‌رهنگاربوونا تیرۆر و ئاماده‌بوونێ ل به‌ره‌یێن شه‌ڕى دا كر و هه‌روه‌سا ئاماژه‌ ب په‌یوه‌ندیێن دۆستانه‌ یێن ناڤبه‌را بریتانیا و هه‌رێما كوردستانێ كر، دوپاتى ل پێدڤیا به‌رده‌وامیا هه‌ماهه‌نگى و پشته‌ڤانی و هه‌ڤپشكیا ناڤبه‌را هه‌ر دو ئالیان كر بۆ به‌رده‌وام بوون بۆ گه‌شه‌پێدانا وان په‌یوه‌ندیێن دو قۆلى.

ژ ئالیێ خۆڤه‌ سه‌رۆك بارزانى بخێرهاتنا بۆریس جۆنسیۆن و سوپاسیا بریتانی كر بۆ رۆلێ بلندێ وێ د به‌رهنگاربوونا تیرۆرێ دا، ل ده‌مه‌كى هێشتا مه‌ترسیا هزر و ئایدۆلۆژیا داعشێ مایه‌ كو ب شه‌ڕێ سه‌ربازى ب دوماهى ناهێت، هه‌روه‌سا ئاماژه‌ ب وێ یه‌كێ ژى دا هێشتا مه‌ترسیا تیرۆرستێن داعشێ گه‌فه‌ ل سه‌ر ئارامیا ده‌ڤه‌رێ.

پرسا په‌یوه‌ندیێن ناڤبه‌را حكومه‌تێن فیدرالى و هه‌رێما كوردستانێ ته‌وه‌ره‌كێ دى یێ كۆمبوونێ بوو، هه‌ر دو ئالیان دوپاتى ل پێدڤیا چاره‌كرنا هه‌موو كێشه‌یان ل گۆڕه‌یى ده‌ستوورى و ل سه‌ر بنه‌مایێ ته‌وافق، هه‌ڤسه‌نگى و شه‌راكه‌تێ كر.

 

More About