گاڤ

بهایێن پەترۆلێ د بازارێن جیهانى دا ل ئێڤاریا ئەڤرۆ دوشەمبیێ ب رێژەیا نزیکى 2% بلند بوون و بهایێ بەرمیلەکێ برێنت چوو د سەر 82 دۆلاران دا.

هەڤدەم ل گەل نزیکبوونا کۆمبوونا ئوپێک پلەس یا بهێت ل 26ى ڤێ هەیڤێ و پێشبینیا بەردەوامیا کێمکرنا بەرهەمئینانێ بهایێن پەترۆلێ بلند بوون.

مالپەرێ Oil price بەلاڤکریە؛ بهایێ بەرمیلەکێ خاڤا برێنت ب 1.93 دۆلاران و ب رێژەیا 2.39% بلند بوو و بهایێ بەرمیلەکێ گەهشتە 82.54 دۆلاران.

هەڤدەم بهایێ بەرمیلەکێ خاڤا رۆژئاڤایێ تێکساس یا ناڤنجى یا ئەمریکى WTI ب 1.65 دۆلاران و ب رێژیا 2.17% د رۆژەکێ دا بلند بوو و بهایێ بەرمیلەکێ گەهشتە 77.54 دۆلاران.

هەر ژ ئەینیا بۆرى بلندبوونا هێدى هێدى د بهایێن پەترۆلێ دا دەستپێکریە پشتى چار حەفتیێن بەردەوام ژ نزمبوونا بهایان.

بەنکا گۆلدمان ساکس ئەڤرۆ دیارکربوو کو ئەو دویر نابینیت کێمکرنەکا پتر د بەرهەمئینانا ئۆپێک پلەس دا پەیدا ببیت.