سه‌رۆكێ حكومه‌تێ داخوازا ئه‌نجامدانا لێكۆلینه‌كا جدى ل دۆر رویدانا ئاگربه‌ربوونێ ل سۆران دكه‌ت

بەلاڤ بکە

گاڤ

سه‌رۆكێ حكومه‌تا هه‌رێما كوردستانێ داخوازا ئه‌نجامدانا لێكۆلینه‌كا ورد و جدى ل دۆر رویدانا ئاگربه‌ربوونێ ل سۆران ل ئه‌ڤه‌ شه‌ڤه‌ كر.

مه‌سروور بارزانى سه‌رۆكێ حكومه‌تا هه‌رێمێ ب ته‌له‌فۆنێ په‌یوه‌ندی ب هه‌لگۆرد نه‌جیب سه‌رپه‌رشتیارێ ئیداره‌یا سه‌ربخۆ یا سۆران كر.

ل گۆره‌ى به‌یانه‌كا سه‌رۆكێ حكومه‌تێ "سه‌رۆكێ حكومه‌تێ زێده‌بارى ده‌ربڕینا سه‌ره‌خۆشى و هه‌ڤخه‌میا خۆ یا كویر ل گه‌ل كه‌سوكارێن قۆربانیان، سه‌رپه‌رشتیارێ ئیداره‌یا سه‌ربخۆ یا سۆران و سازیێن په‌یوه‌ندیدار یێن حكومه‌تێ راسپاردن كو هه‌ر تشتێ پێدڤى بیت بۆ هاریكاریا زیانڤێكه‌فتیێن رویدانى بكه‌ن هه‌روه‌سا لێكۆلینه‌كا ورد و جدى ل دۆر ئه‌گه‌رێن رویدانا وێ كاره‌ساتێ بكه‌ن، هه‌روه‌سا دویڤچوون بۆ رێكارێن سلامه‌تیێ ل ئاڤاهى و جهێن گشتى و تایبه‌ت بهێنه‌ كرن".

د رویدانا ئاگربه‌ربوونێ د ئاڤاهیه‌كێ دا ل قه‌زایا سۆران ل ئه‌ڤ شه‌ڤه‌، 14 كه‌سان گیانێ خۆ ژده‌ستدان و 4 كه‌سێن دى برینداربووینه‌.

More About