كهسهكى برایێ خۆ لسهر قهرداریێ كوشت
10/18/2022 - 23:39
بەلاڤ بکە
گاڤ نیوز
ئهڤرۆ ل ههولێرێ وهلاتیهكى لسهر قهرداریێ برایێ خۆ یێ 27 سالى كوشت، پۆلیسان دهست ب لێكۆلینێ كری یه.
پهیامنێرێ گاڤ ل ههولێرێ دا زانین، ئهڤرۆ وهلاتیهكى ل تاخێ ( كێمئهندامان) ل ناحیا كهسنهزان برایێ خۆ لسهر قهرداریێ كوشت.
ل گۆرهى زانیاریێن پهیامنێرێ گاڤ ژ پۆلیسێن ههولێڕێ بدهستخستین، كهسهك ب ناڤێ (ڕابەر .ج.ع) كو ژیێ وى 27 سالبوون ژلایێ برایێ خۆ ڤه ب چهكێ كلاشینكۆف هاتیه كوشتن كو كێشهیهكا پاران و قهرداریێ دگهل ههبوو.
ههروهسا دا زانین هێزێن ئێمناهیێ دهست ب لێكۆلینێ كرى یه بۆ زانینا هویركاتیێن بوویهرێ و وهگرتنا پێرابوونێن یاسایی همبهر تۆمهتبارى.
