به‌نكا ناڤه‌ندى پتر ژ 800 ملیۆن دۆلاران د حه‌فتیه‌كێ دا فرۆشتینه‌

بەلاڤ بکە

 

 

گاڤ

به‌نكا ناڤه‌ندى یا ئیراقی پتر ژ 800 ملیۆن دۆلاران د حه‌فتیه‌كێ دا فرۆشتن‌ و رێژه‌یا 87% ژێ ب شێوه‌یێ حه‌واله‌یێن بۆ ده‌رڤه بۆ پاره‌داركرنا بازرگانیا ده‌ره‌كى بوون.

به‌نكا ناڤه‌ندى د هه‌ر چار رۆژێن ڤه‌كرنا مه‌زادى دا ل حه‌فتیا بۆرى 825 ملیۆن و 580 هزار و 155 دۆلار فرۆشتینه‌، ئه‌ڤ رێژه‌یه‌ كێمتر بوو ژ حه‌فتیا به‌رى وێ كو تێدا ملیاره‌ك و 57 ملیۆن و 826 هزار و 31 دۆلار فرۆشتبوون.

تێكرایێ رۆژانه‌ یێ فرۆشتنا دۆلارى ژ لایێ به‌نكا ناڤه‌ندى ڤه‌ د حه‌فتیا بۆرى دا 206 ملیۆن و 395 هزار و 38 دۆلار بوون.

د حه‌فتیا بۆرى دا، به‌نكا ناڤه‌ندى ل پێنجشه‌مبیێ پترین رێژه‌یا دۆلارى فرۆشتبوو كو 209 ملیۆن و 264 هزار و 308 دۆلار بوون و ل چارشه‌مبیێ كێمترین رێژه‌یا دۆلارى فرۆشتبوو كو 203 ملیۆن و 721 هزار و 6 دۆلار بوون.

ژ سه‌رجه‌مێ دۆلارێ به‌نكا ناڤه‌ندى د حه‌فتیا بۆرى دا فرۆشتى، رێژه‌یا 87% ژێ كو دبنه‌ 733 ملیۆن و 171 هزار و 825 دۆلار ب شێوه‌یێ حه‌واله‌یێن بۆ ده‌رڤه‌ ژ بۆ پاره‌داركرنا بازرگانیا ده‌رڤه‌ بوون.

هه‌روه‌سا 92 ملیۆن و 408 هزار و 330 دۆلار ب شێوه‌یێ كاش ژ لایێ به‌نكا ناڤه‌ندى ڤه‌ د حه‌فتیا بۆرى دا هاتینه‌ فرۆشتن.

 

More About