گاڤ

کۆمبوونەکا گرنگ د ناڤبەرا ئیراقێ و ئەمریکا دا دهێتە کرن و دبیت پشتی وێ کۆمبوونێ، بریارا دەرکەفتنا هێزێن هەڤپەیمانان ژ ئیراقێ بهێتە دان.

یەحیا رەسوول، پەیڤدارێ فەرماندەیا گشتی یا هێزێن چەکدار یێن ئیراقێ ئەڤرۆ ل تۆرا جڤاکی یا ئێکس راگەهاند: کۆمبوونەکا گرنگ د ناڤبەرا سەرکردەیێن سەربازی یێن ئیراقی و ئەمریکی دا هەیە و د وێ کۆمبوونێ دا دێ هەلسەنگاندن بۆ رەوشا سیاسی، سەربازی و ئێمناهیا ئیراقێ هێتە کرن.

یەحیا رەسوول هەروەسا دبێژیت: دبیت د کۆمبوونا ئەڤرۆ دا بریارا بدویماهیئینانا ئەرکێ هێزێن هەڤپەیمانیا نێڤدەولەتی ل ئیراقێ بهێتە دان و پلانەک بۆ چاوانیا بجهئینانا وێ بریارێ بهێتە داڕشتن.