ئیراق سالانه ب بهایێ 5 ملیار دۆلاران بەرهەمێن په‌ترۆلێ هاورده دكه‌ت
بەلاڤ بکە
گاڤ
سه‌رۆكێ لژنه‌یا نه‌فت و غازێ و سامانێن سرۆشتى یا په‌رله‌مانێ ئیراقێ راگه‌هاند كو ئیراق سالانه ب بهایێ 5 ملیار دۆلاران به‌رهه‌مێن په‌ترۆلێ هاورده دكه‌ت و ئه‌ڤ چه‌نده شه‌رمه بۆ ناڤوده‌نگیا ئیراقێ.
هه‌یبه‌ت حه‌لبووسى سه‌رۆكێ لژنه‌یا نه‌فت و غازێ و سامانێن سرۆشتى د په‌رله‌مانێ ئیراقێ دا ئه‌ڤرۆ ئه‌ینیێ گۆت "شه‌رمه بۆ ناڤوده‌نگیا ئیراقێ كو دوه‌م مه‌زنترین به‌رهه‌مهینه‌ره د رێكخراوا ئوپێك دا پشتى سعوودیه به‌رهه‌مێن په‌ترۆلێ هاورده بكه‌ت".
ناڤهاتى راگه‌هاند ژى "ئیراق سالانه ب بهایێ 5 ملیار دۆلاران به‌رهه‌مێن په‌ترۆلێ هاورده دكه‌ت، حكومه‌تا ئیراقێ بزاڤان دكه‌ت ڤێ بهه‌ده‌ردانا دارایى نه‌هێلیت".
ئاماژه ب وێ چه‌ندێ ژى كر "كه‌رتێ په‌ترۆلێ رویبروى خرابیا برێڤه‌برنێ بوویه د سالێن بۆرى دا و ئه‌ڤه جۆره‌كه ژ گه‌نده‌لیێ، پێشڤه‌برنا كه‌رتێ په‌ترۆلێ كارتێكرنه‌كا مه‌زن ل سه‌ر گره‌نتیكرنا پێدڤیاتیا وه‌لاتى ژ به‌رهه‌مێن په‌ترۆلێ و پاشى بزاڤكرن بۆ هنارده‌كرنێ هه‌یه".
