گاڤ

ژ به‌ر فرۆشتنا په‌نزینا پیس و پێگیرینه‌كرنێ ب رێنمایان 10 په‌نزینخانه‌ ل هه‌ولێرێ هاتنه‌ سزادان و ناڤێن وان ژى هاتنه‌ به‌لاڤكرن.

نه‌به‌ز عه‌بدولحه‌مید قائیمقامێ قه‌زایا ناڤه‌ندى یا هه‌ولێرێ دیاركریه‌ "د درێژیا دویڤچوون و چاڤدێریكرنا لژنه‌یێن پشكنین و چاڤدێریێ و چڕكرنا سه‌ره‌دان و پشكنینێن ژ نشكه‌كێڤه‌ بۆ وێستگه‌هێن سۆته‌مه‌نیێ، 10 په‌نزینخانه ل هه‌ولێرێ‌ ژ به‌ر فرۆشتنا په‌نزینا كوالێتى خراب و پێگیرینه‌كرنا وان ب رێنمایان ژ سه‌رجه‌مێ 100 وێستگه‌هێن پشكنین دناڤبه‌را 18/2/2024 تا 22/2/2024 دا بۆ هاتینه‌ كرن، هاتنه‌ داخستن و سزادان".

هه‌روه‌سا ئاماژه‌ ب ناڤێن وان په‌نزینخانه‌یان ژى كریه‌ كو ئه‌ڤه‌نه‌: وێستگه‌ها هێز، وێستگه‌ها زریج، وێستگه‌ها كوردستان/قوشته‌په‌، وێستگه‌ها گاره‌، وێستگه‌ها مه‌روان، وێستگه‌ها هێمن، وێستگه‌ها دلنیا، وێستگه‌ها گرده‌ ره‌شه‌، وێستگه‌ها شوان و وێستگه‌ها ره‌نج/خه‌بات.