به‌نكا ناڤه‌ندى: نزیكه‌ دێ میكانیزما نوى یا دانا دۆلارى بۆ گه‌شتیاران ل فڕۆكه‌خانه‌یان ده‌ستپێكه‌ت

بەلاڤ بکە

گاڤ

پارێزگارى به‌نكا ناڤه‌ندى یا ئیراقى راگه‌هاند كو نزیكه‌ دێ میكانیزما نوى یا دانا دۆلارى بۆ گه‌شتیاران ل فڕۆكه‌خانه‌یان ده‌ستپێكه‌ت.

عه‌لى عه‌لاق ئه‌ڤرۆ ئه‌ینیێ بۆ ئاژانسا نووچه‌یان یا ئیراقى دیاركر "ئه‌و تشتێ دهێته‌ به‌لاڤكرن ل دۆر هه‌بوونا ئاریشه‌یه‌كێ د سیوله‌یا دینارێ ئیراقێ دا چ راستى بۆ نینن و به‌نكا ناڤه‌ندى هه‌روه‌سا وه‌زاره‌تا دارایى د پرۆسێسا بجهئینانا داخوازیێن گرێداى سیوله‌یێ دا به‌رده‌وامن".

زێده‌تر ژى گۆت "به‌نكا ناڤه‌ندى كار ل سه‌ر پێشڤه‌برنا میكانیزمه‌كێ بۆ وه‌رگرتنا گه‌شتیاران بۆ دۆلارى ب شێوه‌یه‌كێ ب ساناهى ل فڕۆكه‌خانه‌یێن ئیراقى دكه‌ت كو ل هنده‌ك ژ وان سیسته‌م ته‌مامبوویه‌ ل گه‌ل هه‌بوونا كۆمپانیێن پاره‌گوهۆڕینێ یێن شوله‌ژێ و به‌نكان".

ئاماژه‌ ب وێ چه‌ندێ ژى كر "میكانیزما نوى ل ده‌مه‌كێ نزیك دێ چیته‌ د بوارێ بجهئینانێ دا و دێ گه‌شتیار ب رێكا تۆماركرنێ ب رێكا پلاتفۆرمێ و وه‌رگرتنێ ل فڕۆكه‌خانه‌یێ دۆلارى وه‌رگریت ژ بۆ گره‌نتیا گه‌هشتنا دۆلارى ب گه‌شتیارێ دروست".

More About