شه‌ش رێك بۆ هێلانا جگاره‌كێشانێ د هه‌یڤا ره‌مه‌زانێ دا
بەلاڤ بکە
گاڤ
د هه‌یڤا ره‌مه‌زانێ دا ده‌لیڤه‌یه‌كا دى بۆ هێلانا جگاره‌كێشانێ ژ بۆ دویربوونێ ژ زیانێن وێ بۆ ساخله‌مییا مرۆڤى په‌یدا دبیت.
وه‌زاره‌تا ساخله‌میێ یا عومانێ ل سه‌ر تۆڕا ئێكس داخواز ژ جگاره‌كێشان كریه مفاى ژ هه‌یڤا ره‌مه‌زانێ ژ بۆ هێلانا جگاره‌كێشانێ وه‌ربگرن.
هه‌روه‌سا داخواز ژ جگاره‌كێشان كریه كو وان گاڤان بگرنه به‌ر یێن هاریكارییا وان بۆ هێلانا جگاره‌كێشانێ دكه‌ن و دیاركریه؛ كه‌سێن رۆژیگر ده‌مێ بۆ چه‌ند ده‌مژمێران ل رۆژێ ژ جگاره‌كێشانێ دویر دكه‌ڤن، دشێن پشتى ره‌مه‌زانێ ژى به‌رده‌وام بن.
وه‌زاره‌تا ساخله‌میێ یا عومانێ ئه‌ڤ رێك و ره‌فتاره بۆ هێلانا جگاره‌كێشانێ دیاركرینه:
- ده‌ستنیشاكرنا ده‌مه‌كێ بۆ هێلانا جگاره‌كێشانێ.
- بكارئینانا وى پاره‌یێ بۆ جگاره‌یان دهێته مه‌زاختن د كارێن باش دا.
- خۆدویركرن ژ وان كه‌س و جهێن بیرا مرۆڤى دئیننه جگاره‌كێشانێ.
- هۆشیار بن ژ هه‌ڤالێن خراب و په‌نایێ بۆ مالێن خۆ ببه‌ن ژ بۆ پشته‌ڤانیێ.
- خۆمژویلكرن ب ئه‌نجامدانا كاره‌كێ مرۆڤ حه‌ز ژێ دكه‌ت و چالاكییه‌كا مفادار.
- مرۆڤى سه‌بر و رژدى هه‌بیت و پشتى رۆژییان ژى د بڕیارا هێلانا جگاره‌كێشانێ دا به‌رده‌وام بیت.
