پۆستێ سه‌رۆكێ باژێڕڤانییا وانێ بۆ ده‌م پارتى ڤه‌گه‌ڕیاڤه
بەلاڤ بکە
گاڤ
ب بڕیارا دادگه‌ها وانێ، به‌ربژارێ سه‌ركه‌فتى یێ ده‌م پارتى دێ بیته سه‌رۆكێ باژێڕڤانییا مه‌زن یا وانێ.
ده‌م پارتى راگه‌هاند؛ دادگه‌ها وانێ بڕیارا ده‌ستبكاربوونێ بۆ عه‌بدوللا زێدان به‌ربژارێ ده‌م پارتى وه‌ك سه‌رۆكێ باژێرڤانییا وانێ دا.
دادگه‌هێ ل سێشه‌مبیێ بڕیار دابوو به‌ربژارێ پارتا داد و گه‌شه‌پێدان ل جهێ یێ ده‌م پارتى وى پۆستى وه‌ربگریت، ئه‌ڤ چه‌نده ببوو ئه‌گه‌رێ په‌یدابوونا نه‌رازیبوونێن مه‌زن ل وانێ، ده‌م پارتى ژى د به‌یانه‌كێ دا راگه‌هاند بوو كو ئه‌و وێ بڕیارێ ره‌ت دكه‌ن.
ئه‌ڤرۆ چارشه‌مبیێ دادگه‌ها وانێ جاره‌كا دى ئه‌و پۆسته بۆ به‌ربژارێ سه‌ركه‌فتى یێ ده‌م پارتى ڤه‌گه‌ڕاند.
د هه‌لبژارتنێن باژێڕڤانیێن توركیا دا ل 31ى ئادارێ، عه‌بدوللا زێدان به‌ربژارێ ده‌م پارتى رێژه‌یا 55% یا ده‌نگان بده‌ستڤه‌ئینابوو و ل دویڤ دا به‌ربژارێ داد و گه‌شه‌پێدان ل رێزا دوێ هاتبوو ب رێژه‌یا 27%.
