گاڤ

بهایێن په‌ترۆلێ د بازارێن جیهانێ دا ئه‌ڤرۆ چارشه‌مبیێ بلند بوون و بهایێ به‌رمیله‌كێ برێنت نزیكى 90 دۆلاران بوو.

ئاژانسان به‌لاڤكرینه‌؛ ژ به‌ر به‌رده‌وامییا ئه‌ندامێن ئوپێك پله‌س د سیاسه‌تا كێمكرنا به‌رهه‌مئینانێ دا، به‌رده‌وامییا گرژیێن جیۆسیاسى ل رۆژهه‌لاتا ناڤین و نیگه‌رانیێن وه‌به‌رهێنه‌ران ژ كێمبوونا به‌رهه‌مئینانێ هه‌روه‌سا كێمبوونا په‌ترۆلا عومباركرى ل ئه‌مریكا بهایێن په‌ترۆلێ بلند بوون.

بهایێ به‌رمیله‌كێ خاڤا برێنت د گرێبه‌ستێن پاشئێخستى دا ’راده‌ستكرنا خزیرانێ’ ب 75 سه‌نتان و ب رێژه‌یا 0.84% بلند بوو و بهایێ به‌رمیله‌كێ گه‌هشته‌ 89.67 دۆلاران.

هه‌روه‌سا بهایێ په‌ترۆلا خاڤا رۆژئاڤایێ تێكساس یا ناڤنجى یا ئه‌مریكى WTI ژى ’راده‌ستكرنا گۆلانێ’ ب 73 سه‌نتان و ب رێژه‌یا 0.86% بلند بوو و بهایێ به‌رمیله‌كێ گه‌هشته‌ 85.88 دۆلاران.

هه‌ڤپه‌یمانییا ئوپێك پله‌س ئه‌ڤرۆ چارشه‌مبیێ بڕیار دابوو سیاسه‌تا كێمكرنا به‌رهه‌مئینانا په‌ترۆلێ بێى گوهۆڕین بهێلیت پشتى د هه‌یڤا بۆرى دا بڕیارا درێژكرنا كێمكرنا به‌رهه‌مئینانێ هه‌تا هه‌یڤا خزیرانێ داى.