بهایێ زێڕی و پەترۆلێ بلندبوو

بەلاڤ بکە

گاڤ 
بهایێ زێڕی و پەترۆلێ د بازاڕێن جیهانی دا بلند بوو و شارەزایێن ئابۆری دبێژن: شەڕێ ئسرائیلێ و حەماسێ، ب تایبەت مایتێکرنا ئیرانێ، ژ ئەگەرێن سەرەکی یێن بلندبوونا بهایێن وانن.
دوهی رۆژا ئەینی بهایێ ئێک ئۆنسەیا زێڕی چوو د سەر 2 هزار و 400 دۆلاران دا، پاشی ل گەل داخستنا بازاڕی، بهایێ ئێک ئۆنسەیا زێڕی بۆ 2 هزار و 392 دۆلاران داکەفت.
هەر دوهی بهایێ پەترۆلێ ژی بلند بوو، بهایێ ئێك بەڕمیلا پەترۆلا برێنت ب هەژدە سەنتان بلندبوو و گەهشتیە 87 دۆلار و 29 سەنتان و بهایێ پەترۆلا تێکساس ژی چل و ئێک سەنتان بلندبوو و گەهشتە 82 دۆلار و 22 سەنتان.
بەردەوامییا بلندبوونا بهایێ زێڕی و پەترۆلێ ژ ئەگەرێ شەڕێ ئسرائیل و حەماسێ یە، ب تایبەت پشتی ئیرانێ مایتێکرن د شەڕی دا کری و ترس کەفتییە سەر رێیێن بازرگانییا نێڤدەولەتی.
 

More About