سهرۆكێ نوى یێ پهڕلهمانێ ئیراقێ بۆ كێ یه؟
بەلاڤ بکە
پهڕلهمانێ ئیراقێ بۆ ههلبژارتنا سهرۆكێ خۆ یێ نوى دێ كۆمبیت كو پترى 6 ههیڤانه بێ سهرۆكه.
ل گۆرهى كارنامهیا ئهڤرۆ یا پهڕلهمانێ ئیراقێ، دهمژمێر ئێكى نیڤرۆ كۆمبوون دێ دهستپێكهت، د بڕگهیا سێیێ یا روینشتنێ دا، بڕیاره پرۆسهیا دهنگدانێ بۆ ههلبژارتنا سهرۆكهكێ نوى بۆ پهڕلهمانێ ئیراقێ بهێته كرن، كو پترى 6 ههیڤانه بێ سهرۆكه.
ههر ئێك ژ مەحموود مەشهەدانی و سالم عیساوی بهربژارن بۆ پۆستێ سهرۆكێ نوى یێ پهڕلمانى و دهێته چاڤهرێكرن دناڤبهرا واندا ئێكلا ببیت،
ژ 14ى چریا دووێ یا سالا بۆرى تا نها پشتى لادانا سهرۆكێ پێشتر یێ پهڕلهمانێ ئیراقێ محهمهد حهلبووسى، 4 جاران پهڕلهمان بۆ ههلبژارتنا سهرۆكهكێ نوى كۆمبوویه لێ نههاتییه ههلبژارتن.
پشتى پێكئینانا ههڤپهیمانییا فراكسیۆنا سهداره یا سوننیان دگهل ههڤپهیمانییا تهقهدوم، ب سهرۆكاتییا محهمهد حهلبووسى كو مهحموود مهشههدانى بهربژارێ وانه، دهێته چاڤهرێكرن پۆستێ سهرۆكێ پهڕلهمانى بۆ وى بهێته ئێكلاكرن، ههڤدهم سالم عیساوی بهربژارێ ههڤپهیمانییا عهزم یا سوننیانه و ههڤڕكێ مهشههدانى یه بۆ وهگرتنا وى پۆستى.
