گاب

وەزیرێ دەرڤە یێ بەرێ یێ ئیرانێ ئەمریکا و سەرۆکێ رژێما ژناڤچووی یا ئیراقێ ب ئەگەرێن سەرەکی یێن کەفتنا هەلیکۆپتەرا سەرۆککۆمارێ ئیرانێ دبینیت.

محەمەد جەواد زەریفی د هەڤپەیڤینەکا تێلەڤزیۆنی دا گۆت: سزایێن ئەمریکا ل سەر ئیرانێ و قەدەغەکرنا فرۆشتنا فرۆکە و هەلیکۆپتەران و پارچەیێن نوی یێن هەلیکۆپتەران ب ئیرانێ ئەگەرەکێ سەرەکی یێ رویدانا دوهی بوون.

هەروەسا گۆت: هێرشا سەدام حسێنی یا هەشت سالی ل سەر ئیرانێ ژی ئەگەرێن سەرەکی یێن وان سزایان بوون یێن ل سەر ئیرانێ هاتینە سەپاندن.

هەلیکۆپتەرا رەئیسی ژ جۆر کۆمپانییا بێل 412 بوو کو بۆ ئێکەم جار ل سالا 1968 ل ئەمریکا هاتییە بەرهەمئینان.

ل سالا 2021 کەنەدا کارکرن ب وی هەلیکۆپتەرێ راگرتن و ب گۆتنا وان، ئەو هەلیکۆپتەرە پێدڤیی ب نویژەنکرنا بۆرغیێن پەروانانە و پیدڤییە بهێنە نویکرن.