گاڤ
رێڤەبەرییا هاتنووچوونا ئیراقێ راگەهاند؛ کار لسەر پێکڤەگرێدانا سیستەمێ هاتنوچوونێ د ناڤبەرا هەرێما کوردستانێ و ئیراقێ دا دهێتەکرن.
محەمەد عەلێ حەسون، رێڤەبەرێ پشکا پەیوەندی و راگەهاندنێ ل رێڤەبەرییا هاتنوچوونا ئیراقێ بۆ مەدیایێن ئیراقی راگەهاند؛ کار لسەر پێکڤەگرێدانا سیستەمێ هاتنوچوونێ د ناڤبەرا هەرێما کوردستانێ و ئیراقێ دا دهێتەکرن و هەماهەنگەکا راستەۆخو هەیە.
ئاشکرژی کریە: ل دۆر وی بابەتی شاندەکا هەرێمێ سەرەدانا بەغدا کریە و سیستەمەکێ هاتنوچوونێ یی ئێکگرتی دێ هێتەدانان ژبۆ لهەڤگۆهارتنا هەمی داتا و زانیارییان.
دا زانین ژی: سیستەم هوسا دێ هێتە دانان سزایێ سەرپێچیی ل وی جهی دێ هێت دان، بۆ نموونە، هەر ترومبێلەکا تابلویا بەغدا لسەر بیت ل هەرێمێ سەرپێچییەکێ بکەت شوفێر دشێت ل هەرێمێ سزایێ خۆ بدەت و بەروڤاژی.