گاڤ

کۆمسیۆنا بلند یا هەلبژارتنان ل ئیراقێ ئەڤرۆ فەرمانا دویرخستنا چار بەربژارێن دی یێن پەرلەمانێ کوردستانێ دا و راگەهاند: حزبێن وان دشێن د سێ رۆژێن بهێن دا پێگوهۆڕێن وان تۆمار بکەن.

ل گۆرەی نڤیسارەکا ئەڤرۆ یا کۆمسیۆنا بلند یا هەلبژارتنان ل ئیراقێ، هێلین ئەکرەم دنخە سلێمان، هێمن عومەر محەمەد دەروێش، سامان مەحموود ئەحمەد سالح، و دیاری هیدایەت بشارە ئەمین، ژ لیستا بەربژارێن پەرلەمانێ کوردستانێ هاتنە لادان، ژبەر کو د تۆمارکرنا ناڤێن خۆ دا بنپێکاری کرینە.

کۆمسیۆنێ هەروەسا دیار کرییە: حزبێن سیاسی یێن وان بەربژاران هاتینە ئاگەهدارکرن کو دشێن د دەما سێ رۆژێن بهێن دا، ناڤێن پێگوهۆڕێن وان تۆمار بکەن، بتنێ ئێک بەربژار نەبیت، ژبەر کو ئێک ژ وان بەربژاران سەربەخۆ بوو و چ پێگوهۆڕ بۆ وێ نابن.