266 خێزانێن ئاواره ڤه‌گه‌ریانه سه‌ر جهـ و وارێن خۆ
08/07/2024 - 20:28
بەلاڤ بکە
گاڤ
لسه‌ر فه‌رمانا سه‌رۆكێ حكومه‌تا هه‌رێما كوردستانێ (266) خێزان ڤه‌گه‌ڕیانه سه‌ر جهـ و وارێن خۆ.
وه‌زاره‌تا ناڤخۆیا هه‌رێما كوردستانێ راگه‌هاند، لسه‌ر فه‌رمانا مه‌سروور بارزانى، سه‌رۆكێ حكومه‌تا هه‌رێما كوردستانێ، قووناغا سێ یێ یا ڤه‌گه‌ڕیانا ئاواره‌یێن ده‌ڤه‌را حه‌سه‌ن شام (خازر)ى هاته بجهئینان كو (266) خێزان ب ره‌نگه‌كێ ئاره‌زومه‌ندانه بۆ سه‌ر جهـ و وارێن خۆ ل گوندێ حه‌سه‌ن شام ڤه‌گه‌ریان،، 107 ژ وان خێزانان ل كه‌مپێن هه‌رێمێ بوون یێن دى ژى ل ناوچه‌یێن ده‌ردۆرا كه‌مپان بوون.
وه‌زاره‌تا ناڤخۆیا هه‌رێمێ دیاركر، ئه‌و خێزان پشتى ناوچه‌یێن وان كه‌ڤتینه به‌ر هێرشێن داعشێ ئاواره‌ى هه‌رێما كوردستانی ببوون، ژ سازیێن حكومه‌تا فیدرال ژى خواست پشتى ڤه‌گه‌ریانا وان ئاواره‌یان هه‌مى پێدڤى و خزمه‌تگوزاریێن ژیانێ بۆ بهێنه دابینكرن.
