رووسیا.. چ بەهانەیەک بۆ هێرشا ئسرائیلێ لسه‌ر قوتابخانه‌یا غه‌ززه نینه
بەلاڤ بکە
گاڤ
رووسیا سه‌باره‌ت هێرشا ئسرائیلی بۆ سه‌ر قوتابخانه‌یه‌كێ ل كه‌رتێ غه‌زه هاته ده‌نگ و راگه‌هاند، چو به‌هانه بۆ كرنا ڤێ هێرشێ نینن.
کارڤەدانێن بەرانبەری هێڕشا سوپایێ ئسرائیلێ یا ئه‌ڤرۆ بۆ سەر قوتابخانەیا ئەلتبین ل غەزە بەردەوامن کو تێدا زێدەتری 100 فلستینییان گیانێ خۆ ژدەستدا و ب دەهان کەس برینداربووینە.
پەیڤدارا وەزارەتا دەرڤە یا رووسیا ماریا زاخارۆڤا، همبه‌ر هێڕشا ئسرائیلێ بۆ سەر قوتابخانەیا فسلستینێ راگەهاند، پێدڤیە ئسرائیل دەملدەست خۆ ژ ئارمانجکرنا جهێن مەدەنی دویر بکەت و گۆت ژى، هیچ بەهانەیەک بۆ ڤێ چەندێ نینە.
ماریا زاخارۆڤا د بەیاننامەیەکا نڤیسیکی دا راگه‌هاند، موسکۆ ژ بەر هێرشا هاتیه كرن گەلەک خەمگینە. گۆت ژى: "هەلویست و بنەمایێن خۆ یێن جهگر سەبارەت پابەندبوونا ب یاسایێن مرۆڤی یێن ناڤدەولەتی دۆپات دکەین".
زاخارۆڤایێ گۆت ژی؛ "ب مخابنیڤە ئەڤ هێرشه ب رەنگەکێ رێکخستی دهێنەکرن، چو بەهانەیەک بۆ نینە و پێدڤیە ئسرائیل دەملدەست، دەست ژ ڤان کاران بەربدەت"
