مقاوه‌ما ئیسلامى ل ئیراقێ گه‌فان ل ئه‌مریكا دكه‌ت
بەلاڤ بکە
گاڤ
مقاوه‌ما ئیسلامى ل ئیراقێ راگه‌هاند، ئه‌گه‌ر ئاسمانێ ئیراقێ ل دژى ئیرانێ بهێته بكارئینان ئه‌و ریزێ ل چ سنووران ناگرن.
مقاوه‌ما ئیسلامى ل ئیراقێ گه‌فان ل ئه‌مریكا دكه‌ت و دبێژیت: ئه‌گه‌ر ئاسمانێ ئیراقێ بۆ هێرشێن ل سه‌ر ئیرانێ بهێته بكارئینان ئه‌و رێزێ ل چ سنۆران ناگرن.
هه‌روه‌سا دوپاتكر، هه‌رده‌ما ئه‌مریكا ل ئیراقێ هێرشى وان بكه‌ت، ئه‌و بێ به‌رسڤ نابن و دێ بنگه‌هێن هه‌ڤپه‌یمانان و ئه‌مریكا ل ئیراقێ و ده‌رڤه كه‌نه ئارمانجێن خۆ.
هۆشداری ل ده‌مه‌كى یه ل 31ى مه‌ها بۆرى چار چه‌كدارێن حه‌شدا شه‌عبى ل بابل هاتن كوشتن و ئه‌مریكا به‌رپرسایه‌تییا خۆ هه‌مبه‌رى كوشتنا وان راگه‌هاند، 5ى ڤێ مه‌هێ ژى ب مووشه‌كان هێرش ل سه‌ر سه‌ربازگه‌ها عه‌ین ئه‌سه‌د ل ئه‌نبار هاتنه‌كرن و 5 سه‌ربازێن ئه‌مریكا بریندار بوون.
پشتى ڤان هێرشان ئه‌مریكا گه‌فێن دژوار ل گرۆپێن حه‌شدا شه‌عبى ل ئیراقێ كرینه و وان گرۆپان ژى كو ئه‌مریكا ب نێزیكى ئیرانێ د زانیت هۆشدارى ژ هێرشان داینه.
