ئه‌ڤرۆ جڤاتا وه‌زیران و لژنه‌یا دارایى دێ ل دۆر كێشه‌یێن مووچه‌یى و بودجه‌یى كۆمبن
بەلاڤ بکە
گاڤ
ئه‌ڤرۆ جڤاتا وه‌زیرێن ئیراقێ و لژنه‌یا دارایى یا ئیراێ دێ كۆمبوونه‌كا گرنگ ل دۆر كێشه‌یێن مووچه‌یى و بودجه‌یى و پاره‌یێ پڕۆژه‌یان كه‌ت.
د.خه‌لیل غازى، ئه‌ندامێ لژنه‌یا دارایى ل په‌ڕله‌مانێ ئیراقێ بۆ گاڤ گۆت: ئه‌ڤرۆ سێشه‌مبێ ل ئاڤاهیێ جڤاتا وه‌زیران ل به‌غدایێ لژنه‌یا دارایى یا په‌ڕله‌مانێ ئیراقێ دێ ل گه‌ل جڤاتا وه‌زیران كۆمبیت و كێشه‌یێن گرێدایى مووچه، بودجه، پاره‌یێ پڕۆژه‌یان، پلان و په‌ترۆل مژارێن سه‌ره‌كى یێن كۆمبوونێ نه.
هه‌روه‌سا دیاركریه، جێگرێ سه‌رۆكوه‌زیران، وه‌زیرێن درایى، پلان، په‌ترۆل و پارێزگارێ بانكا ناڤه‌ندى و هنده‌ك وه‌زیرێن دى دێ پشكداریێ د كۆمبوونێ دا كه‌ن.
غازى ئاشكراكر، د كۆمبوونا ئه‌ڤرۆ سێشه‌مبێ دا دێ كێشه‌یێن پاره‌داركرنا پارێزگه‌هان، بودجه و پاره‌یێ پڕۆژه‌یان و نه‌بوونا سیولێ و هه‌روه‌سا داكه‌فتنا بهایێ دینارى هه‌مبه‌رى دۆلارێ ئه‌مریكى ژى هێنه به‌حسكرن.
