10 سیناریۆ ل دۆر به‌رسڤا ئیرانێ بۆ سه‌ر ئسرائیلێ
بەلاڤ بکە
گاڤ
رۆژنامه‌یا كه‌یهان یا ئیرانى 10 سیناریۆیێن چاڤه‌ڕێكرى بۆ ئیرانێ دیاركرینه ل ده‌ما هێرشێ ل سه‌ر ئسرائیلێ دكه‌ت و دیاردكه‌ت، هێرش جودا جودانه.
ل گۆڕه‌یى رۆژنامه‌یا كه‌یهان كو ده‌مێ هێرشان دیارنه‌كریه، لێ جهێن هێرشان دیاركرینه و دبێژیت: هنده‌ك ژ وان سیناریۆیان دبیت ل ناڤا ئه‌ردێن لبنان، ئیراق و ئوردنێ ل سه‌ر ئسرائیلێ بهێنه‌كرن.
پشتى كوشتنا ئیسماعیل هه‌نییه، سه‌رۆكێ مه‌كته‌با رێكخستنا حزبوللا ل ته‌هرانا پایته‌ختێ ئیرانێ، ئیرانێ ئسرائیل ب كوشتنا وى تۆمه‌تباركر و ناكۆكیێن هه‌ر دو وه‌لاتان ل سه‌ر ئاستێ وه‌لاتێن ده‌ڤه‌رێ و جیهانێ مه‌زن بووینه و رۆژهه‌لاتا ناڤین خستینه د مه‌ترسیێ دا.
10 سیناریۆ ل دۆر به‌رسڤا ئیرانێ بۆ سه‌ر ئسرائیلێ
- هێرش ل سه‌ر ناڤه‌ندێن دپلۆماسى یێن ئسرائیلێ ل سه‌رانسه‌رى جیهانێ
- هێرش ل سه‌ر ناڤه‌ندێن نهێنى یێن ئسرائیلێ ل ئیراق و ئازه‌ربایجانێ
- هێرشا راسته‌وخۆ ژ ئاخا ئیرانێ بۆ سه‌ر ئسرائیلێ
- هێرشێن گرۆپێن ب وه‌كاله‌ت وه‌ك حزبوللا بۆ سه‌ر ئسرائیلێ
- هێرشێن گرۆپێن ب وه‌كاله‌ت یێن وه‌ك حزبووللا بۆ سه‌ر ئسرائیلێ
- هێرشێن ل گه‌ل گرۆپێن دى یێن ب وه‌كاله‌ت بۆ سه‌ر ئسرائیلێ
- هێرش ل سه‌ر ژێرخان و په‌ترۆلگه‌هـ و به‌نده‌رێن ئسرائیلێ
- هێرش ل سه‌ر بنگه‌هێن سه‌ربازى یێن ئسرائیلێ
- هێرش ل سه‌ر مووساد و سازیێن هه‌والگێرى
- هێرش ل سه‌ر كه‌تیبه‌یێن جودا یێن ئسرائیلێ
- هاڤێتنا مووشه‌كان ژ لبنان، سووریا، ئیراقێ بۆ ئسرائیلێ
ئه‌ڤرۆ ئه‌نتۆنى بلێنكن، وه‌زیرێ ده‌رڤه یێ ئه‌مریكا د په‌یوه‌ندییه‌كا ته‌له‌فوونى دا ل گه‌ل محه‌مه‌د شیاع سوودانى، سه‌رۆكوه‌زیرێن ئیراقێ داخوازا ئارامراگرتنا ره‌وشێ كریه.
ژ ئالییه‌كێ دى ڤه ئیران رژده ل سه‌ر به‌رسڤێ و بریتانیا هۆشدارییا توند دایه ته‌هرانێ گه‌ر هێرشێ بكه‌ت ب هه‌موو هێزا خۆ دێ ل دژ راوه‌ستن.
