گاڤ

ب هەلکەفتا ب داوی هاتنا ئەرکێ وی وەکو کۆنسۆلێ گشتییێ هۆلەندا ل هەولێرێ، ئەڤرۆ سەرۆک نێچیرڤان بارزانی پێشوازی ل کۆنسۆلێ هۆلەندا کر و راگەهاند؛ دێ هەمی بزاڤان کەن هەلبژارتنێن پەرلەمانێ کوردستانێ ب سەرکەفتیانە بهێن کرن.

سەرۆکاتییا هەرێمێ بەلاڤکر؛ ئەڤرۆ پشتی نیڤرۆ سەرۆک نێچیرڤان بارزانی سەرۆکێ هەرێمێ ژبۆ خاترخاستن ب هەلکەفتا ب داوی هاتنا ئەرکێ وی وەکو کۆنسۆلێ گشتییێ هۆلەندا ل هەولێرێ دگەل یاکۆ بیریندز، کۆنسۆلێ هۆلەندا کۆمبوو.

ل گۆری راگەهاندنا سەرۆکاتییا هەرێمێ؛ نێچیرڤان بارزانی سوپاسی ژ بۆ رول و ئەرکێ وی د دەمێ کارکرنێ دا ل هەرێما کوردستانێ و بزاڤێن وی ژبۆ پێشڤەبرنا پەیوەندییێن وەلاتێ خۆ دگەل هەرێمێ دەربری و هیڤیا سەرکەفتنێ د ئەرکێ وی یێ نووی دا ژی بۆ کۆنسۆلێ هۆلەنداخواست.

 ژ ئالییێ خۆ ڤە کۆنسۆلێ هۆلەندا سەرباری خوشحالییا خۆ ژ کارکرنێ ل هەرێما کوردستانێ، سوپاسیا سەرۆک نێچیرڤان بارزانی و هاریکاری و پشتەڤانییا ئالیێن پەیوەندیدارێن هەرێما کوردستانێ بۆ سەرخستنا ئەرکێ وی کر .

سەرۆک نێچیرڤان بارزانی د تەوەرەکێ دی یی کۆمبوونێ دا راگەهاند؛ دێ هەمی بزاڤان کەن هەلبژارتنێن پەرلەمانێ کوردستانێ ب سەرکەفتیانە بهێن کرن و کۆنسۆلێ هۆلەندا ژی پەسنا بزاڤێن سەرۆک بارزانی د سەرخستنا پرۆسا هەلبژارتنان دا کر.