گاڤ - تایبەت
دانانا بۆرجێن پەیوەندییان ل سەر بانێ مالان ل دهۆکێ بوویە جهێ نەرازیبوونێ و د ڤێ هەیڤێ دا 5 بورج ژبەر نەرازیبوونا وەلاتییان هاتینە راکرن.
ل گۆرەى زانیارییێن گاڤ، د ڤێ هەیڤێ دا ل سەنتەرێ دهۆکێ دانانا ٣ بورجێن پەیوەندیان هاتییە راگرتن پشتى جیرانان سکالا کرین، د دەمەکى دا وان بۆرجان دەستیرییا دانانێ هەبوو، هەروەسا ٢ بۆرج ژبەر گازندەیێن وەلاتییان هاتینە ڕاکرن، د دویڤچوونەکا گاڤ دا دیاربوویە، زێدەبارى ترسا خەلکى ژ نەخۆشییان، هەر خانیەکێ ئەو بۆرج ل سەر بهێنە دانان، نێزیکی ١٥ هزار دۆلاران ژ بهایێ وى خانى و خانییێن دەردوورا وى دهێتەخار.
عەبدولجەلیل تاهر، رێڤەبەرێ پۆستە و گەهاندنێ ل دهۆکێ بۆ گاڤ راگەهاند: ل سەرانسەرى پارێزگەها دهۆکێ نێزیکى هزار و پێنجسەد بۆرجێن پەیوەندییان هەنە و ل سەربانێن مال و جهێن فەرمى و چیایان هاتینە دانان.