شێخ سەعید گەلیرۆمانی 
 

سۆتنا ئاقار و چیا و دارستانێن کوردستانێ ب تایبەتی ل دەڤەرا بادینان قویناغەکا دی یا ئەنفالکرنا ژینگەهـ و دارستانا کوردستانێ یە.
سیاسەتا ئەردێ سۆتی (ارض المحروقة) يادهێتە بکارئینان، تەڕ و هشك، ڕەز و بیستان ڤێکرا یێ دسۆژن رەحم ب چ تشتەکی ناهێتە برن، خائین و داگیرکەرێن کوردستانێ دل پێ ناسۆژیت.
سیاسەتا ئەرد سۆتنێ بەرنامە بۆ هاتیە دارشتن، تورکیا و پەکەکێ ب زۆری و زانیبوون شەڕێ خۆ ژ تورکیا ڤەگوهاستیە ناڤ ئاخا هەرێما کوردستانێ و شەڕێ خۆ بسەر هەرێمێ دا سەپاندیە، مەرەم پێ لاوازکرنا قەوارێ هەرێمێ و چوولکرنا گوندان و هشكکرنا ڕەز و بیستانێن خەلکێ گوندانە، زێدەباری گەفێن فرۆکەیێن جەنگی و درۆن و توپبارانا ڕوژانە و تەق و تیقا بەردەوام یا لەشکەرێ تورکیا و پەکەکێ ل دەوروبەرێن وان گوندان و دیسان لسەر جادە و رێکێن وێ دەڤەرێ ب گشتی، خەلک بێزار کریە.
هەمان سیاسەتا ئەردێ سۆتی (ارض المحروقة) ل سەردەمێ رژێما بەعس ژی ل کوردستانێ هاتبوو بکارئینان و کوردستان ب گوند و ڕەز و بيستان ڤە سۆتن و تالان و وێران کرن.
نوکە ژی ژینگەها پارێزگەها دهۆكێ یا کەفتیە بەر هێرشەکا دی یا وێرانکەر، ئەو دەڤەرێن بخوین و قوربانیێن مەزن هاتینە ڕزگارکرن نوکە ب نەرمی و بێدەنگی هێدی هێدی یادهێتە داگیرکرن.
مەیدانا خەبات و شەرێ وان پێتڤیە ل ناڤ ئاخا تورکیا بیت هەردویان شەڕ و قەرقەشێن خو یێن ئیناینە بەر دەرێ خانیێ مە.