ئاهەنگا دەستپێکرنا خۆلا ستێرێن ئیراقێ دێ ل باژێرێ دهۆکێ بیت
08/30/2024 - 11:37
بەلاڤ بکە
گاڤ
خۆلا ستێرێن ئیراقێ ئەڤ سالە دێ ژ دهۆکێ دەستپێ کەت و ئاهەنگا ڤەکرنا خۆلێ دێ ل دهۆکێ بیت.
یانەیا دهۆک پێشتر داخواز ژ ئێکەتییا تەپا پێی یا ئیراقێ کربوو کو ئاهەنگا دەستپێکرنا خۆلێ و ئێکەم یارییا خۆلێ ل دهۆکێ بیت.
یانەیا دهۆک راگەهاند: ئێکەتییا تەپا پێی یا ئیراقێ ل سەر داخوازییا وان رازی بوویە و ئاهەنگا دەستپێکرنا خۆلا ستێرێن ئیراقێ و هەروەسا ئێکەم یارییا خۆلێ، دێ ل یاریگەها یانەیا دهۆک ل باژێڕێ دهۆکێ هێتە کرن.
پار یاریگەها یانەیا دهۆک ئێک ژ پڕجەماوەرترین یاریگەهێن خۆلا ستێرێن ئیراقێ بوو و کارگێرییا وێ ئامادەکاری بۆ پێشوازیکرنێ ل وەرزێ نوی یێ خۆلا ستێرێن ئیراقێ کرینە.
خۆلا ستێرێن ئیراقێ دێ ل 21 مەها ئیلۆنا ئەڤ سالە دەستپێ کەت و 20 یانە د خۆلێ دا دپشکدارن.
