گاڤ

پشتی 33 سالان سویسرا دوبارە بالیۆزخانەیا خۆ ل ئیراقێ ڤەدکەت، وەزارەتا دەرڤە یا ئیراقێ ژی راگەهاند؛ ڤەکرنا بالیۆزخانەیێ لسەر خواستا هەردو ئالییان بوو.

بالیۆزخانەیا سویسرا ئەڤرۆ د بەیانەکێ دا راگەهاند؛ ئارمانج ژ ڤەکرنا بالیۆزخانەیێ ب هێزکرنا پەیوەندیێن دناڤبەرا هەر دو وەلاتانە د بۆارێن سیاسی، دپلۆماسی، ئابۆری، ئاسایش و کۆچ و کۆچبەران و گۆت؛ تیما بالیۆزخانەیێ ژ سێ فەرمانبەران پێکدهێت.

بالیۆزخانەیا سویسرا دیار ژی کر: رەوشا ئەمنی یا ئیراقێ ل دویماهی سالێن بووری پێشڤەچوویە و پرسا کۆچبەران دێ ژ سەرەکیترین پرسێن د ناڤبەرا هەر دو وەلاتان دا بیت.

ژ ئالیێ خۆ ڤە وەزارەتا دەرڤە یا ئیراقێ پێشوازی ل ئەوێ گاڤێ کر راگەهاند؛ ڤەکرنا بالیۆزخانەیێ لسەر خواستا هەر دو ئالییان بوو ژبۆ بهێزکرنا پەیوەندیان لسەر ئاستێن جودا.