گاڤ

رۆژنامه‌یه‌كا نێزیكى حكومه‌تا سووریا ژڤانێ كۆمبوونا سه‌رۆكێن سووریا و توركیا ئاشكرادكه‌ت و دیاردكه‌ت، كۆمبوونا وان ب ناڤبه‌ینكارییا رۆسیایه‌.

رۆژنامه‌یا وه‌ته‌ن یا نێزیكى حكومه‌تا سووریا ژ زارێ ژێده‌ره‌كێ ئێمناهیێ یێ حكومه‌تا سووریا به‌لاڤكریه‌، كو ل دو‌ماهییا ڤێ مه‌هێ ب ناڤبه‌ینكارییا رۆسیا سه‌رۆكێ سووریا، بشار ئه‌سه‌د و سه‌رۆككۆمارێ توركیا، ره‌جه‌ب ته‌یب ئه‌ردۆگان دێ كۆمبن و پێشتر دێ خشته‌یێ كارێ هه‌ڤپشك ژى هێته‌ دانان.

ل گۆره‌یى وى ژێده‌رى گرۆپێن د باوه‌را هه‌ر دو ئالییان دا تیرۆرست دێ هێنه‌ دیاركرن و پلانه‌ك بۆ ژناڤبرنا وان دێ هێته‌ دانان و ده‌مه‌كى ژى بۆ ڤه‌كێشانا هێزێن توركیا ژ سووریا دێ هێته‌ دانان.

رۆژنامه‌یا وه‌ته‌ن ژ وى زارێ سه‌ربازى ڤه‌گوهاستییه‌ كو د كۆمبوونا هه‌ر دو سه‌رۆكان دا پاراستنا ئێمناهییا سنۆرێن هه‌ر دو وه‌لاتان دێ هێته‌ مسۆگه‌ركرن.