گاڤ

سه‌رۆك نێچیرڤان بارزانى ل گه‌ل بالیۆزێ هندستانێ ل ئیراقێ كۆمبوو، ره‌وشا ئیراق و هه‌رێما كوردستانێ، په‌یوه‌ندیێن هه‌ولێر و به‌غدایێ و هه‌لبژرتنێن په‌ڕله‌مانێ كوردستانێ به‌حسكرن.

ئه‌ڤرۆ سپێدێ 4-9-2024ێ نێچیرڤان بارزانى، سه‌رۆكێ هه‌رێما كوردستانێ و پراشانت پیسێ، بالیۆزێ هندستانێ ل ئیراقێ كۆمبوو، سه‌رۆك نێچیرڤان بارزانى سوپاسیێن خۆ و هه‌رێما كوردستانێ پێشكێشى بالیۆزێ هندستانێ كرن ب مه‌ره‌ما دوماهى هاتن ب ئه‌ركێن وى و هه‌روه‌سا هیڤییا سه‌ركه‌فتنێ ژى د ئه‌ركێ وى یێ نوى دا بۆ خواست.

ژ ئالیێ خۆ ڤه‌ بالیۆزێ هندستانێ سوپاسییا سه‌رۆك نێچیرڤان بارزانى و ئالیێن په‌یوه‌ندیدارێن هه‌رێما كوردستانێ كر ژبه‌ركو د ده‌ما كارى دا پشته‌ڤانى لێ هاتییه‌كرن و هه‌روه‌سا خواستا وه‌لاتێ خۆ ژى بۆ به‌رده‌وام پێشڤه‌برنا په‌یوه‌ندیان و هاریكارییا هه‌ڤپشك د هه‌موو واران دا ل گه‌ل ئیراق و هه‌رێما كوردستانێ دوپاتكر.

د دیدارێ دا كو كونسلێ گشتى یێ هندستانێ ل هه‌رێما كوردستانێ ژى ل گه‌ل بوو ره‌وشا ئیراق و هه‌رێما كوردستانێ په‌یوه‌ندیێن هه‌ولێر و به‌غدایێ و هه‌لبژارتنێن په‌ڕله‌مانێ كوردستانێ هاتنه‌ به‌حسكرن.