بەدرخان زاویتەی

ل ھەر وەلاتەکێ گرنگی ب دیموکراسییێ ددەت ھەلبژارتن بنیاتێ پرۆسه‌یا سیاسیە لوی وەلاتی و ژێدەر و خۆدانێ بریارێ دوێ پروسا گرنگ دا خەلکە !

ئانکو خەلک ب پشكداری و دەنگێ خۆ بنیاتێ پرۆسا سیاسی ددانیت و دام و دەزگه‌هێن وی وەلاتی شەرعیەتا خۆ ژ وێ پرۆسێ وەردگرن یاخەلکی بریار ل سه‌ر دده‌ت!

 ل ھەرێما کوردستانێ پشتی سەرھلدانا سالا 1991 و کۆچا ملیۆنى و ڤەگەڕیانا خەلکی و دانانا ھێلا 36 بۆ پاراستنا گەلێ کورد سەرکردایەتییا کوردستانێ کو بەرەی کوردستانی بۆ و ب بریارا سەرۆک بارزانی گۆت "دڤێت ھەلبژاتن ل کوردستانێ بێنە كرن و ھەرێم ژ شەرعیەتا شورەشگیری بەرەف شەرعیەتا یاسای و دەزگاین فەرمی و مەده‌نی بچیت و خەلک بریارێ بدەت" ئەو بۆ ل 1992/5/12 یەکەم ھەلبژارتن ل ھەرێمێ ھاتە كرن !!

ژ وی دەمی تا ئەڤرۆ ئەڤ پرۆسە ل ھەرێما کوردستانێ یا بەردەوامە  و ھەرێمێ قووناغێن گەلەک باش د ڤی بواری دا دەرباسکرینە و سەنگ و ناڤەکێ مەزن و جوان لسەر ئاستێ نێڤدەولەتی پەیداکرییە و گه‌له‌ك جاران سەرەدەریا وەلاتەکێ سەربەخۆ دگەل ھەرێما کوردستانێ ھاتییەکرن ! بەلێ مخابن ژ ئەگەرێ ناکوکیێن سیاسی و پیلانن بەردەوام، نێزیکی دوو سالانە ئەڤ پرۆسە ل ھەرێمێ ھاتیە تێکدان سەرەرای وێ چەندێ کو سەرۆکێ ھەرێمێ رێزدار نێچیرڤان بارزانی بۆ جارا چارێ یە ژڤانی بۆ ئەنجامدانا ھەلبژارتنان ددانیت و ژ ئەگەرێ ناکوکیان ژڤان دئێتە پاش ئێخستن و ناکوکی و ملمانێن سیاسی ین سەقەت گەھشتینە وی رادەی ئێدی خەلک بێ زار و بێ ئومێد ببیت !! لەورا و ھەر زوی سەرۆکێ ھەرێمێ سنۆرەک بۆ ڤێ چەندێ دانا و پەیامەک بەلاڤکر و گوتە لایەنن سیاسی خەلکە دێ بریارێ دەت و ھەر خەلک سەرکەفتییێ ڤێ پرۆسێ یە و دڤێت ئەڤ پرۆسە د گەشەکێ ھێمن و ئارام و ئازادا بێتە ئەنجامدان و پشكداریا خەلکی بۆ کلیلا سەرکەفتنا ڤێ پرۆسا گرنگە و رێگرتنە ل پیلانن دژی ھەرێمێ دئێنە داریتن !! ھەژی بیتە گۆتن کو ھەر زوی سەرۆکێ حکومەتێ رێزدار مەسروور بارزانی داخاز ژ سەرۆکێ ھەرێمێ کر ژڤانەک بۆ ھەلبژارتنان بهێته‌ دانا و حازریا حکومەتێ نیشاندا بۆ برێڤە چوونا ڤێ پرۆسا گرنگ کو گرنگبوو ل مەھا یازدە یا سالا 2022 ھاتبانه‌ کرن لێ ناکوکین سیاسی بۆنە ئەگەر ھەلبژارتن د دەمێ خو یێ دروست دا نەهێنه‌ كرن و بۆ سالەکێ ھاتنە پاشئێخستن، بریار ھاتە دان ل 18 مەھا یازدە سالا 2023 بهێنه‌كرن لێ دیسا ھاتنە پاش ئێخستن بۆ مەھا شوباتێ سالا 2024 و پاشی بۆ مەھا 6 و پشتی بریارێن دادگەھا فیدرالى کو د بنیات دا نە دەستوری بوون و دەستێوه‌ردان د ڤی بابەتی دا هاته‌كرن کو ھندەک لایەنن سیاسی ئەگەر بوون ئەڤ پرۆسا گرنگ ژ دەستێن ھەرێمێ دەرکەڤیت و بکەڤیتە دەستێن بەغدا و برێیا بریارین دادگەھێ و دەستێوەردان د ئەنجامێن ھەلبژارتنان دا پرۆسا سیاسی ل ھەرێمی دیزاین بکەن و لگۆرەی بەرژەوەندیێن خۆ ب گۆهۆرن بەلێ ھەلویستێ پارتی ھەمی تشتەک راگرت ، سەرەدانێن سەرۆکێ ھەرێمێ بۆ بەغدا و تێبینیێن ل سەر بریارێن دادگەھا فیدرالى ھەین کار لسەر کر و تارادیه‌کێ مەزن ئەو بەربەستە لادان ین بووینە ئەگەرێ ھەلویستێ پارتی و لدویڤدا پارتی بریارا پشكداریكرنێ د ھەلبژاتناندا دا و سەرۆکێ ھەرێمێ ژڤانەکێ نوی کو 20 مەھا 10 دەست نیشان کر بۆ ئەنجامدانا ھەلبژاتنان ل ھەرێمێ !!

لڤێرە خۆیا دبیت کیش لایەن خەمخۆرێ ئەنجامدانا ڤێ پرۆسێ یە و چەوا کار دکەت کو ھەلبژارتن د گەشەکێ ئارام و ئازا دا بهێنه‌ کرن و خەلک ئێدی بریارێ بدەت و پەرلەمان و حکومەت و سەرۆکایەتی شەرعیەتا خۆ ژ دەنگێ خەلکێ کوردستانێ وەرگرن، بتنێ پشكداریا خەلکی د بیتە زامن بۆ ژناڤبرنا پیلانا ئەون دئێنە گێران بۆ تێکدانا ھەرێمێ !! ئەڤە لدەمەکیە کو د ئەڤ سالە دا ھەلبژارتن ل پتر ژ 7 وەلاتان هێنه‌كرن و جیھان بەرەف سەروبەرەکێ دی ڤە چیت و ب چاڤەکێ مەزن تەماشەی ھەلبژاتنێن ھەرێمێ دکەن کو د ده‌مێ خۆ دا بهێنه‌ كرن و ژڤێ قووناغا مەترسیدار دەرباس بن!!