4 بازرگانێن مادەیێن هشبەر هاتن گرن
09/05/2024 - 17:02
بەلاڤ بکە
گاڤ
چار بازرگانێن مادەیێن هشبەر لگەل 14 کیلۆگرامێن مادەیێن هشبەر ژ جۆرێ کریستال هاتن گرتن.
رێڤەبەرییا نەهێلانا مادەیێن هشبەر د راگەهاندنەکێ دا بەلاڤکر، دوهی رۆژا چارشەمبی د چالاکییەکێ دا ئەو شیان باندەکا ب ترسا مادەیێن هشبەر دەستەسەربکەن کو پێکهاتبوون ژ چار بازرگانێن بیانی.
د راگەهاندنا رێڤەبەرییا نەهێلانا مادەیێن هشبەر دا هاتییە، هەر چار تومەتبار ب نیاز بوون ئەوان 14 کیلۆگرامێن کریستالی بینە ناڤا هەرێما کوردستانێ و ل ناڤا تایرێن بارهەلگران دا ب رەنگەکێ گەلەک باش ڤەشارتبوون.
رێڤەبەرییا نەهێلانا مادەیێن هشبەر ئاماژە ژی کر، ئەو تۆمەتبار رادەستی یاسایێ هاتینە کرن و ل گۆرەی یاسایا بەرهنگاربوونا مادەیێن هشبەر و کارتێکرنێن مەژی پەرێن لێکۆلینێ بۆ هاتینە ڤەکرن و دێ مامەلە ل گەل هێتە کرن.
