گاڤ

ئه‌ڤرۆ سپێدێ ئسرائیلێ ب دژوارى باشۆرێ لبنانێ بۆمبه‌بارانكر، زیانه‌كا مه‌زن ب حزبوللا گه‌هاندییه‌ و ل سه‌ر هێرشا خۆ ژى به‌رده‌وامه‌.

شڤێدى ژى ئسرائیلێ ب دژوارى به‌یرووتا پایته‌ختێ لبنانێ بۆمبه‌بارانكر و ل گۆڕه‌یى رۆژنامه‌یا نیۆیۆرك تایمز كۆمبوونه‌كا سه‌ركرده‌یێن حزبوللا بوویه‌ ئارمانج و ئێك د ناڤا وان دا هه‌یه‌ كو دا جهێ حه‌سه‌ن نه‌سروللا گریت.

سوپایێ ئسرائیلێ راگه‌هاند، فڕۆكه‌یێن شه‌ڕكه‌ر یێن ئسرائیلێ هێرشى هنده‌ك جهێن هه‌والگێرییا حزبوللا ل به‌یرووتا پایته‌ختێ لبنانێ كریه‌ و چه‌ندین ئامیرێن وان یێن كۆمكرنا زانیارییان و چاڤدێریكرنێ و ژێرخانه‌یا وان ژناڤبرییه‌ و چه‌ندین تیرۆرست ژى كوشتینه‌.

رۆژه‌كێ پشتى شه‌ڕێ ل غه‌زه‌ ل 7-10-2023یێ حزبوللا ب شێوه‌یه‌كێ سنۆردار هاته‌ ناڤا شه‌ڕى و هێرش كره‌ سه‌ر ئسرائیلێ و پشتى ڤێ یه‌كێ ب حه‌فتییه‌كێ ئسرائیلێ ب دژوارى هێرشى باشۆرێ لبنانێ و به‌یرووتا پایته‌خت كر.