گاڤ

ئەنتۆنی بلینکن، راگەهاند، واشنتن کار بۆ دەستپێکرنا دانوستاندنا دناڤبەرا ئسرائیل و فلستینیان دا دکەت، دا کو بگەهنە رێکەفتنەکێ کو ئازادکرنا بارمتەیان ژی ب خۆ ڤە بگریت.

ئەنتۆنی بلینکن، وەزیرێ دەرڤە یێ ئەمریکا، ل دەوحەیا پایتەختێ قەتەرێ، د کۆنگرەیێ رۆژنامەڤانیدا ل گەل شێخ محەمەد عەبدولرەحمان ئال سانی، سەرۆکوەزیرێ قەتەرێ راگەهاند، پێشبینیێ دکەین ل چەند رۆژێن بهێت دانوستاندن دناڤبەرا ئسرائیل و فلستینیان دا بهێنەکرن، دێ بریارێ ژی دەین کا حەماس چەند یا رژدە ل سەر ڤان دانوستاندن. ئەڤ دانوستاندنە دێ ئازادکرنا بارمتەیان ژی ڤەگریت و دناڤ وان ژی دا پێنج ئەمریکی هەنە کو دڤێت بهێنە ئازادکرن.

ئاماژە دا وێ چەندێ ژی کو، دەوحە دێ پێشوازیێ ل تیما دانوستاندنێ یا ئەمریکی و ئسرائیلی کەت بۆ پێشکەفتنا دانوستاندنێ و راوەستیانا شەڕی.

ژ لایێ خۆ ڤە، ئال سانی ژی دیارکر کو، دانوستاندن د چەند قووناغەکاندا دەربازبووینە، لێ ئالنگاریێن مەزن هەنە. هەروەسا ژبلی تیما ئسرائیلی، تیمەکا ئەمریکی ژی بۆ مەرەما رێکەفتنا ل سەر ئاگربەستێ و دویماهیئینانا شەڕی دێ سەرەدانا دەوحە کەت.