هه‌سه‌ده هوشداریێ د ده‌ت
بەلاڤ بکە
گاڤ
زانیاریێن تایبه‌ت ژ حه‌له‌بێ بۆ گاڤ ل دۆر هێرشا به‌ره‌یێ نوسره و ره‌وشا تاخێن كوردان
چالاكه‌كێ مافێ مرۆڤى ژ پارێزگه‌ها حه‌له‌بێ بۆ گاڤ راگه‌هاند، هێرشا تیرۆرستێن به‌ره‌یێ نوسره لسه‌ر باژێرێ حه‌له‌بێ و گونده‌وارێن وێ به‌رده‌وامه و تیرۆستان دو تاخێن حه‌له‌بێ یێن مه‌زن كونترۆلكرینه، هێزێن كوردان ژى ل وێ پارێزگه‌هێ د ئاماده‌باشیێ دانه.
چالاكێ مافێ مرۆڤى یێ كورد ئیبراهیم شێخۆ ژ ناوچه‌یا شه‌هبایێ یا رۆژئاڤایێ كوردستانێ سه‌ر ب پارێزگه‌ها حه‌له‌بێ ڤه ل دۆر هێرشا تیرۆرستێن به‌ره‌یێ نوسره ل ناوچه‌یێن رۆژائاڤایا باژێرێحه‌له‌بێ بۆ گاڤ راگه‌هاند، تا نها تیرۆرستێن نوسره 60 گوندێن پارێزگه‌هێن ئدلبێ و حه‌له‌بێ كو پتریا وان یێن حه‌له‌بێنه دگه‌ل رێیا ئیم5 كونترۆلكرینه و گه‌هشتینه ناڤا حه‌له‌بێ، دو تاخێن حه‌له‌بێ یێن مه‌زن ژى كونترۆلكرینه.
ل دۆر مه‌ترسیا لسه‌ر كوردان ب تایبه‌تى ل تاخێن شێخ مه‌قسۆد و ئه‌شره‌فیێ یێن حه‌له‌بێ، شێخۆى گۆت، ل وان دو تاخان كورد وه‌كو پێشتر د چه‌كدار نینن و مه‌ترسى لسه‌ر هه‌یه. گۆت ژى تا نها چ هێزێن كوردان ده‌ست ب لڤینێ نه‌كرینه، لێ هێزێن رزگاریا عه‌فرینێ ل ناوچه‌یێن شه‌هبایێ و تلره‌فعه‌ت د ئاماده‌باشیێ دانه. ترسا وێ ئێكێ هه‌یه ژ ئالیێ باكۆر ڤه ژى ب پشته‌ڤانیا تركیا گرۆپێن تیرۆرستى و به‌ره‌یێ نوسره هێرشى ناوچه‌یێن كوردان یێن پارێزگه‌ها حه‌له‌بێ بكه‌ن.
ژ ئالیێ خۆڤه هێزێن سوریا دیمۆكراتى هه‌سه‌دێ د راگه‌هانه‌كێ دا دوپاتكر، ئه‌ركێ وان پاراستنا گه‌ل و ئاخا وانه و بۆ هه‌ر ئه‌گه‌ره‌كێ د ئاماده‌باشیێ دانه.