گاڤ

رۆژنامه‌یه‌كا تركى رادگه‌هینیت سه‌رۆككۆمارێ تركیا وه‌زیرێ داد ئاگه‌هدار كرى یه‌، رێكارێن بله‌ز بگریته‌ به‌ر و رێ بهێته‌ دان شاندێ ده‌م پارتى سه‌ره‌دانا ئۆجالانى بكه‌ن.

رۆژنامه‌یا "توركیا" یا سه‌ر ب ده‌ستهه‌لاتێ ڤه‌ راگه‌هاند، سه‌رۆككۆمارێ تركیا ره‌جه‌ب ته‌یب ئه‌ردۆغانى وه‌زیرێ داد یێ تركیا یه‌لماز تونج راسپاردى یه‌، رێكارێن بله‌ز بگریته‌ به‌ر و مۆهله‌تێ ب هه‌ڤسه‌رۆكێن پارتا ئاشتى و دیمۆكراسیێ یا كوردان ده‌م پارتیێ بده‌ت، سه‌ره‌دانا عه‌بدوللا ئۆجالان رێبه‌رێ زیندانكریێ پارتا كاركه‌رێن كوردستانێ په‌كه‌كێ بكه‌ن.
به‌لاڤبوونا ڤان زانیاریان د ده‌مه‌كى دایه‌ به‌رى 3 رۆژان ل 26 ڤێ هه‌یڤێ، ده‌وله‌ت باخچه‌لى سه‌رۆكێ بزاڤا نه‌ته‌وه‌یی یا تركیا مه‌هه‌پێ د كۆمبوونا فراكسیۆنا پارتیا خۆ دا ل په‌ڕله‌مانێ تركیا دوپاتى ل هه‌لوه‌ستێ خۆ كر كو پێدڤیه‌ ب زویترین ده‌م شانده‌كێ ده‌م پارتیێ سه‌ره‌دانا ئۆجالانى بكه‌ت. وه‌زیرێ داد یێ تركیا ژى راگه‌هاند، ئه‌و هه‌لسه‌نگاندنێ بۆ وێ داخوازا باخچه‌لى دكه‌ن.