پارێزگه‌ها هه‌ولێرێ ژووره‌كا ئوپه‌راسيۆنان بۆ رويبرويبوونا له‌هيان پێكئينا

بەلاڤ بکە

گاڤ

پارێزگارێ هه‌ولێرێ پێكئينانا ژووره‌كا ئوپه‌راسيۆنان بۆ رويبرويبوونا پێلێن له‌هيان يێن ره‌نگه‌ ل زڤستانێ رويبده‌ن، راگه‌هاند.
ئومێد خۆشناو د پرێس كۆنفرانسه‌كێ دا راگه‌هاند؛ به‌رهه‌ڤيه‌كا مه‌زن بۆ سه‌ره‌ده‌ريێ ل گه‌ل له‌هيێن پێشبينى دهێته‌ كرن ل هه‌ولێرێ رويبده‌ن هاتيه‌ كرن ئه‌و ژى ب رێكا پێكئينانا ژووره‌كا ئوپه‌راسيۆنان كو ژ لژنه‌يێن تايبه‌تمه‌ند، پۆليسێن هه‌ولێرێ و رێڤه‌به‌ريا به‌ره‌ڤانيا باژێڕێ پێكدهێت.
ديار ژى كر؛ تا نوكه‌ پتر ژ 155 كم يێن رێكێن ئاڤێ ژ بۆ كۆمنه‌بوونا ئاڤێ هاتينه‌ پاقژكرن و رێره‌وه‌كێ دى يێ ب درێژيا 20 كيلۆمه‌تران بۆ قۆرتالبوونێ ژ له‌هيان هاتيه‌ دروستكرن.
پارێزگارێ هه‌ولێرێ ل هه‌يڤا ته‌باخێ راگه‌هاند بوو كو 11 مليار دينار ژ بۆ رێگريێ ل دروستبوونا له‌هيان ل زڤستانێ ل پارێزگه‌ها هه‌ولێرێ هاتينه‌ ته‌رخانكرن.
ل دويماهيكێن سالا 2021، پێله‌كا له‌هيان ژماره‌يه‌كا ده‌ڤه‌رێن هه‌ولێرێ ڤه‌گرتبوون و ببوونه‌ ئه‌گه‌رێ په‌يدابوونا زيانێن گيانى و ماددى.
 

More About