ئۆجالانى دیدارهكا رێكخراوا CPT رهتكر
گاڤ
پارێزهرێن رێبهرێ زیندانكریێ پهكهكێ عهبدولا ئۆجالانى راگههاندن، ئوجالانى دیدارهكا رێكخراوا سى پى تى رهتكرى یه.
بۆ ماوهیێ 20 ههیڤانه رێ ب پارێزهرێن رێبهرێ زیندانكریێ پهكهكێ ناهێته دان سهرهدانا وى بكهن ل زیندانا ئیمرالیێ.
ئهڤرۆ نڤیسینگهها یاسایی یا پارێزهرێن ئۆجالانى راگههاند، بۆ شكاندنا گوشهگیریا سهر ئۆجالانى وان سهرهدانا دههان سازیێن ناڤخۆ و نێڤدهولهتى كرى یه لێ ههمى بێ ئهنجامبووینه.
دیاركر ژى، بڕینا پهیوهندیێن ئۆجالانى دگهل مالبات و كهسوكارێن وى بهرهڤاژى یاسایین نێڤدهولهتى یه، لێ بۆ ماوهیێ 20 ههیڤانه رێ ب سهرهدانا ئۆجالانى و سێ زیندانكریێن دى ل زینادانا ئیمرالیێ نههاتیه دان.
پارێزهرێن ئۆجالانى دانهزانین، وان گوهلێبوویه، رێكخراوا سى پى تى خواستیه سهرهدانا ئۆجالان بكهن، لێ وى ئهو سهرهدان رهتكرى یه، ژبهر كو بهرپرسێن وێ رێكخرازێ بچووكترین زانیارى نادهنه چو كهسهكى.