گاڤ

سەرۆکێ هەرێما کوردستانێ و سەرۆکێ هەڤپەیمانیا نەهجا نشتیمانى کۆمبوون و دوپاىى ل پاراستنا ئارامى و سەقامگێرییێ کرن، پرۆسەیا سیاسى ل ئیراقێ ژى خالەکا دى یا کۆمبوونێ بوو.

ئەڤرۆ سێشەمبێ نێچیرڤان بارزانى، سەرۆکێ هەرێما کوردستانێ ل گەل عەبدولحسێن ئەلمووسەوى، سەرۆکێ هەڤپەیمانییا نەهجا نشتیمانى و ئەندامێ سەرکردایەتی و پەڕلەمانتاران کۆمبوو.

د کۆمبوونێ دا هەڤپەیمانییا نەهجا نشتیمانى خۆشحالییا خۆ ب سەرەدانێ دەربڕى و بەحس ل پرۆسەیا سیاسى یا ئیراقێ و پەرەپێدانا گیانێ تەبایى و هاریکارییا ناڤبەرا ئالیێن سیاسى و پێکهاتان کر، وەک بنەمایەک بۆ چارەکرنا کێشەیان و پاراستنا ئارامى و سەقامگێرییا وەلاتى.

هەر دو ئالییان دوپاتکر، سەرکەفتنا پرۆسەیا سیاسى یا ئیراقێ گرێدایى لێکتێگەهشتن، پێکڤەیى، هاریکاریی، هەڤپشکییا راستە و پشکدارییا کارا یا هەموویان د پرۆسەیا سیاسى و بڕیارێن نشتیمانى دا.