مەزلوم عەبدی، شیرەتکارێ سەرۆکاتییا سووریێ، داخواز ژ خەلکێ رۆژئاڤایێ کوردستانێ کر، زارۆکێن خۆ بهنێرنە وان قوتابخانەیێن زمانی کوردی تێدا دهێتە خواندن و راگەهاند، ئەڤسالە دێ 50%ێ سیستەمێ خواندنێ ب زمانێ کوردی دبیت.
پرۆسەیا خواندنێ ب زمانی کوردی ل رۆژئاڤایێ کوردستانێ رویبڕویی ئاستەنگان بوویە، بەلێ بزاڤ دهێنە کرن ڕێژەیا وانەیێن ب زمانی دایک د سیستەمێ فەرمی یێ پەروەردەیێ دا زێدە ببن.

مەزلوم عەبدی د پەیامەکێ دا دۆپات کر، بۆ ئەڤسالە 5 وانە ب زمانی کوردی دێ هێنە خواندن و ل گۆرەی پرۆسەیا نوى یا خواندنێ دێ هێزەکا مەزن دەتە زمانی دایکێ ل ناڤەندێن پەروەردەیی.

شیرەتکارێ، سەرۆکاتییا سووریێ ئاماژە ب وێ یەکێ ژی کر، ئەگەر وەلاتی ئامادەییێ نیشان بدن و زارۆکێن خۆ بهنێرنە ڤان جورە قوتابخانەیان، د پاشەرۆژەکا نێزیک دا دێ سیستەمەکێ تایبەت و سەربخۆ یێ خواندنێ ب زمانی کوردی هێتە دانان.