پەیڤدارێ حکومەتا ئیراقێ راگەهاند، بارەکێ نوى یێ دۆلاری ب شێوەیێ كاش گەهشتییە ئیراقێ.

حەیدەر مەجید عەبودی، پەیڤدارێ حکومەتا ئیراقێ دیار کر، دوهى رۆژا چارشەمبی، بارەکێ نوو یێ دۆلارێن ئەمریکی گەهشتییە ئیراقێ. ئاماژە ب وێ ئێكێ ژی کر، هنارتنا ڤى بارێ پاره‌ى د چارچووڤەیێ رێککەڤتنێن بەردەوامە دگەل ئالییێ ئەمریکی بۆ مسۆگەرکرنا هاتنا دراڤی بۆ ئیراقێ.

بەری نها سەرۆکوەزیرێ ئیراقێ رێککەڤتن لسەر بەردەوامییا گەهاندنا دۆلاری کربوو دا کو پێدڤیێن بازاری بهێنە پڕکرن.

ئەڤ رێککەڤتنە پشتی وێ ئێكێ دهێت کو ئیراقێ پێشڤەچوون بۆ هێزکرنا چاڤدێرییا دۆلاری، کێمکرنا بنپێكارییان و به‌رفره‌هكرنا پارەدانا ئەلکترۆنی بەرەڤ ئابوورییا دیجیتالی بخۆڤه‌ دیتى یه‌.