سەنتەرێ میترۆ بۆ ئێکەتییێ: دەستان ژ هێرشکرنا سەر مالێن خەلکى بەڕدەن
گاڤ
سەنتەرێ میترۆ هێرشا ل سەر پەڕلەمانتار سارا محسن پەڕلەمانتارا کوردستانێ شەرمزار کر و راگەهاند، دەستان ژ هێرشکرنا سەر مالێن خەلکى بەردەن.
رەحمان غەریب، رێکخەرێ سەنتەرێ میترۆ پۆستەک بەلاڤکریە و تێدا هێرشا ل سەر مالا برایێ پەڕلەمانتارا کوردستانێ سارا محسن شەرمزار کریە و دیارکریە، شڤێدى ئێکەتییا نشتیمانى یا کوردستانێ داخواز کر فشارێن دەروونى ل پەڕلەمانتاران نەهێنە کرن، لێ بەرێ سپێدێ هەر وێ پارتێ هێرشى مالا برایێ سارا محسن کرییە و برایێ وێ پەیوەندى ب خویشکا خۆ (سارایێ) کریە و برایێ وێ گۆتییێ "نەکەى، ژیانا من د مەترسییێ دایە " و پاشى ئەو هێز مۆبایلێ ژێ وەردگرن، وەک گەفەک کو سارا پشکداریێ د کۆمبوونا ئەڤرۆ دا نەکەت.
رەحمان غەریب دیاردکەت، دەستان ژ بەزاندنا حورمەتا مالان بەردەن و ئێدى بەسە هێرشان ل سەر خەلکى ب فەرمانا دادگەهێ نەکەن و بهێلن خەلەک ب ئازادانە بڕیارا خۆ بدەت.
هەروەسا رێکخەرێ سەنتەرێ میترۆ دایە زانین ژى ژبەرکو وێ پەڕلەمانتارێ د لیستا کۆمبوونا ئەڤرۆ دا هاتییە هێرش ل سەر هاتییەکرن.