مەحموود محەمەد: کاراکرنا پەرلەمانی ل دژی چ کەس و ئالییەکی نینە
گاڤ
پەیڤدارێ پارتى ديمۆكراتى كوردستان ههلبژارتنا دهستهیا سهرۆكایهتییا پەرلەمانێ كوردستانێ ب گاڤهكا پێدڤى بۆ پاراستنا قهوارهیێ دهستووریێ ههرێمێ و ب دویماهیئینانا ڤالاهییا یاسایى ب ناڤدكهت، هەڤدەم داخوازێ ژ ئالییێن دی ژی دكهت بهشدار بن د پاراستنا شهرعیهتێ و ههلگرتنا بهرپرسیارهتیا ههڤپشك دا.
دەقێ راگەهاندنا پەیڤدارێ پارتى ديمۆكراتى كوردستان:
ئەڤرۆ رۆژا چارشەمبی 4-11-2006ێ پەرلەمانێ کوردستانێ ب ئامادەبوونا پترییا پەرلەمانتاران، بەردەوامی دا کۆبوونەوا خۆ یا ئێکێ و د پرۆسەیەکا یاسایی و دیموکراتی دا دەستەیا سەرۆکایەتیا پەرلەمانی هەڵبژارت.
سەرەڕای پیرۆزباهیا مە بۆ هەموو کوردستانیان، پیرۆزباهییێ ژ سەرۆکێ پەرلەمانی و جێگر و سکرتێرێ پەرلەمانی دکەین و د ئەڤی ئەرکێ نیشتمانی دا هیڤیا سەرکەفتنێ بۆ وان دخوازین. ئەڤە گاڤەکا درەنگوەخت بەلێ پێدڤی بوو د پێناڤا پاراستنا قەوارەیێ دەستووریێ هەرێما کوردستانێ دا.
ب مخابنی ڤە دو سالە ب ئەگەرا بریارا سیاسی یا سەرکردایەتییا ئێکەتییا نیشتمانی و نەوەی نوێ، ئەڤ سازییا شەرعی یا هەرێمێ کو نوینەرایەتییا دەنگ و ئیرادەیا خەڵکی دکەت هاتبوو پەکخستن
ئەڤرۆ پترییا پەرلەمانتاران د فراکسیۆنان دا، ب هەستکرنا وان بەرامبەر ئەرکێ نشتمانی و رێزگرتن ل دەنگێ خەلکی و پێگیرییا وان ب سویندا یاسایی، پرۆسەیا دیمۆکراتی سەرخست و ب دویماهیئینان ب وێ ڤالاهییا یاسایی و خۆسەپاندنا کەمینەیەکا سیاسی، ئەڤە ژی سەرەرای ئەوێ چەندێ گەلەک گەف ل هندەک پەرلەمانتاران و کەسوکارێن وان هاتینە کرن، کە ئەڤە ئاماژەیەکا مەترسیدارە و گەفە ل دیمۆکراسییێ و ئیرادەیا خەلکی و دەربرینا عەقلیەتەکێیە کو خزمەتا دیموکراتیزەکرنا بوارێن ژیانا کۆمەلگەها کوردستانێ ناکەت.
هیڤیدارین هەمی ئالی رێزێ ل خواست و ئیرادەیا خەلکی و پڕۆسەیا دیمۆکراتی بگرن. پەرلەمانێ کوردستانێ جهێ راستەقینە یێ دانوستاندنا سیاسی و یاساییە و فاکتەرێ ئێکریزی و ئێکگرتنا ناڤخۆیا کوردستانێ یە. کارابوونا پەرلەمانی دژی هیچ کەس و ئالییەکێ نینە و دەرگەهـ ڤەکریە بۆ هەمی ئالییان، و هیڤیخوازین پشتی کاراکرنا پەرلەمانێ کوردستانێ، فراکسیۆنێن ئالییێن دی ژی بڕیارا ئەرێنی بدەن و بەشدار ببن د پاراستنا شەرعیەت و قەوارەیێ هەرێما کوردستانێ دا، هەروەسا ئەڤ گاڤە ببیتە پالدەرەک بۆ هەلگرتنا بەرپرسیارەتییا هەڤپشک د پێشئێخستنا هەرێما کوردستانێ دا د ئەڤی قۆناغێ هەستیار دا و نێزیککرنا هەمی بۆچوونان بۆ خزمەتا خەلکی و پاشەرۆژا کوردستانێ.