گاڤ

په‌رله‌مانتاره‌كێ كوردستانێ داهاتێ په‌ترۆلێ يێ هه‌رێما كوردستانێ د هه‌يڤا كانوينا ئێكێ يا بۆرى دا ئاشكرا كر.

عه‌لى حه‌مه‌ سالح د به‌يانه‌كێ ئه‌ڤرۆ چارشه‌مبيێ دا راگه‌هاند؛ ل گۆره‌ى به‌لگه‌نامه‌يێن من، حكومه‌تا هه‌رێما كوردستانێ 12 مليۆن و 255 هزار به‌رميلێن په‌ترۆلێ د هه‌يڤا بۆرى دا و بهايێ 844 مليۆن دولاران فرۆشتينه‌.

ديار ژى كر؛ تێكرايێ بهايێ به‌رميله‌كێ 68.91 دولار بوون و نزيكى 56% ژ داهاتێ په‌ترۆلێ بۆ كۆمپانيان، كرێكرنا بۆريێن په‌ترۆلێ و مه‌زاختيێن وان چووينه‌ و ب ڤێ چه‌ندێ تێكرايێ داهاتێ په‌ترۆلێ د وێ هه‌يڤێ دا دبيته‌ 371 مليۆن دولار.

خۆيا ژى كر؛ ئه‌گه‌ر هه‌ر 100 دولاران ب 150 هزار ديناران حسێب بكه‌ين، حكومه‌تا هه‌رێما كوردستانێ داهاتێ 556 مليار ديناران ژ په‌ترۆلێ بده‌ستڤه‌ئينايه‌ ل ده‌مه‌كێ پاره‌يێ پێدڤى بۆ مووچه‌يان ژ 900 مليار ديناران پتره‌ و ئه‌ڤ چه‌نده‌ پێدڤى ب دويڤچوونه‌كا رژده‌.