جه‌گه‌ر محه‌مه‌د
ماسته‌ر ب دارایی و بانك

ئەو پێشبینە ئەوا لـ سەر بنیاتێ داتا و زانیاری دهێتە شرۆڤەکرن، ئەڤجا ئەڤ داتایە (جوری یان چەندایەتی)ى بن، پشتبەستن ب رویدان و ژینگەهێ، ئاماژە بوو پاشەرۆژا بوویه‌ر و رویدانان دهێنەکرن، چەندین پرۆگرامێن شرۆڤه‌یا داتایان هەنە کو پشتبەستن ل سەر دهێتەکرن و داتایان شرۆڤه‌ دکەت.
پێشبینیا بهایێ دۆلاری وەک نموونە:
گەلەک کەسان پێشبینی بوو بلندبوونا بهایێ دۆلاری کرن و د بەردەوامن، ئه‌م دشێین بێژین ئەڤ پێشبینیە زێدەتر دچنە د قالبێ فاڵێن سێربەندا دا، نەک زانستی، بۆ نموونە گه‌ر پرسیار ژێ بكه‌ى بۆچی بهایێ دۆلاری دێ بیتە 160 هزار؟ دێ بێژیت نزا، یان خەلک وە دبێژیت.
ئەگەر کابرا بێژیت، به‌رى ڤێ بلندبوونێ بەنکا ناڤەندی رۆژانە زێدەتر ژ 200 ملیۆن دۆلار دهاڤێتنە د بازاری دا و نوکە ب تنێ 80 ملیۆنان دهاڤێتە د بازاری دا و قەبارەیێ بازرگانیا ئیراقێ یێ راستی پێتڤی ب 200 ملیۆنایە، وی دەمی دشێت بێژیت، دێ بهایێ دۆلاری گەهیتە 220 هزار دیناران، ژبه‌ركو بەنکا ناڤەندی نێزیکى 70%، کێمتر ژ جاران دۆلاری دفرۆشیت و بازرگان دێ بزاڤێ كه‌ن دۆلاری ب دەست خۆ بێخن هەتا ڤی بهای هێزا کرینا دۆلاری یا هەی، شنی لڤێرە ژی دا دڤێت بێژیت بهایێ فەرمی یان یێ بازاری دێ هندە بلند بیت، ژبه‌ركو ئیراق سیستەمێ فرۆتنا جێگیر بۆ هەڤسەنگیا بهایێ دیناری بکاردئینیت، نەک سیستەمێ ئازاد کو دبێژنێ (تعویم العملة).