چیرۆکا کوشتنا 4 وەلاتیێن دهۆکێ ل نسێبینێ چەوابوو؟

بەلاڤ بکە

گاڤ- دهۆک

شڤێدی ل تورکیا تەقە ل 5 وەلاتیێن دهۆکێ هاتە کرن و 4 کەس هاتنە کوشتن.

شڤێدی ل دەمێ چوونێ بۆ مێردینێ ب مەرەما چارەسەریێ ل نزیک باژێرێ نسێبینێ یێ سەر ب مێردینێ ڤە ل باکۆرێ کورستانێ، تەقە ل ترومبێلەکا وەلاتیێن دهۆکێ هاتە کرن و 4 کەسان ژیانا خۆ ژ دەست دا، ل گۆرەی زانیاریێن گاڤ، کەسێن هاتینە کوشتن خەلکێ دەڤەرا ئامێدیێ نە و مەلا ئەحمەد جەلالەدین ژی ب گرانی بریندارە.

کەسەکی ژ مالباتا قوربانیان بۆ گاڤ گۆت: حەجی عەبدوللا سالح مامیسی کو ئێک ژ کەساتیێن دیار یێن رێکانیانە و کچا وی و هەڤژینا وی و هەروەسا دایکا مەلا ئەحمەد جەلالەدین بێزەلی هاتینە کوشتن و مەلا ئەحمەد جەلالەدین ژی ب گرانی بریندارە.

ل گۆرەی زانیاریێن کەسوکارێن ئەوان، شڤێدی دەمژمێر 1:30 ب رێکا دەرگەهێ ئیبراهیم خەلیل ئەو 5 کەس د ئێک ترومبێل دا دەربازی ئاخا باکۆرێ کوردستانێ بووینە و ب رێکێ ڤە رێگر هاتینە پێشیا ئەوان و د ترومبێلێ دا تەقە لێکرینە و ئەو رویدان چێبوویە.

More About