ناسا و بوينگ: ئه‌م فرۆكه‌يه‌كا كێم پانزينێ دمه‌زێخيت دروست دكه‌ين
بەلاڤ بکە
گاڤ
ئاژانسا ئاسمانى يا ئه‌مريكى ل گه‌ل كۆمپانيا بوينگ ده‌ست ب دروستكرنا جۆره‌كێ نوى يێ فڕۆكه‌يان كرينه كو پانزينه‌كا كێمتر دمه‌زێخيت.
مه‌ره‌م ژ ڤێ چه‌ندێ كێمكرنا ده‌ردانێن گازا CO2 و كێمكرنا كارتێكرنێن بياڤێ فرۆكه‌ڤانيێ ل سه‌ر سه‌قاى يه زێده‌بارى مفايێن ئابوورى.
مالپه‌رێ زه ڤێرج يێ تايبه‌ت ب ته‌كنولوژيايێ ڤه به‌لاڤكريه؛ ناسا و بوينگ كار ل سه‌ر وێ چه‌ندێ دكه‌ن كو جۆرێ نوى يێ فرۆكه‌يا دروست دكه‌ن پانزينێ ب رێژه‌يا 30% كێمتر ژ فرۆكه‌يێن ل به‌رده‌ست بكارببه‌ت.
ديار ژى كريه؛ فڕۆكه‌يێ فوكس دانايه سه‌ر كێمكرنا به‌رهنگاريا فرۆكه‌يێ بۆ هه‌واى ب رێكا بزوێنه‌ر و چه‌نگێن باشتر كو ژ چه‌نگێن فرۆكه‌يێن دى درێژتر و پانترن.
بۆب پيرس هاريكارێ رێڤه‌به‌رى يێ لێكۆلينان د ناسايێ دا د ڤى ده‌رباره‌ى دا خۆياكر؛ ديزاينا فرۆكه‌يا نوى ژ بۆ بده‌ستڤه‌ئينانا دايناميكه‌كا هه‌وايى يا باشتر و كێمكرنا هێزا پێدڤى بۆ بلندكرنا فڕۆكه‌يێ دێ يا هاريكار بيت و ئه‌ڤ چه‌نده دبنه ئه‌گه‌رێ كێمكرنا سۆتنا په‌نزينێ ژ لايێ فرۆكه‌يان ڤه.
ناسا پلان دانايه كو فرۆكه‌يا نوى ل سالا 2028 ئێكه‌م گه‌شتا خۆ يا ئاسمانى وه‌ك تێست ئه‌نجام بده‌ت و ل سالا 2030 ژ بۆ بكارئينانا بازرگانى به‌رده‌ست ببيت.
