پارتى: پێدڤيه‌ پشكا هه‌رێما كوردستانێ د بودجه‌يا سالا 2023ێ دا ژ 17% كێمتر نه‌بيت

بەلاڤ بکە

گاڤ

فراكسيۆنا پارتى د په‌رله‌مانێ ئيراقێ دا ئه‌ڤرۆ ئێكشه‌مبيێ داخواز كر كو پشكا هه‌رێما كوردستانێ د بودجه‌يا سالا 2023ێ يا ئيراقێ دا ژ 17% كێمتر نه‌بيت.
پارتى راگه‌هاند كو دانوستاندن ل گه‌ل حكومه‌تا فيدرالى ل دۆر ده‌ستنيشانكرنا پشكا هه‌رێما كوردستانێ د بودجه‌يا گشتى يا سالا 2023ێ دا د به‌رده‌وامن.
شه‌ريف سلێمان په‌رله‌مانتارێ پارتى دياركر؛ رێككه‌فتنه‌كا ده‌ستپێكى دناڤ هێزێن برێڤه‌برنا ده‌وله‌تێ دا ل دۆر دانا پشكه‌كا دادپه‌روه‌رانه‌ ژ بودجه‌يا ئيراقێ بۆ هه‌رێما كوردستانێ هه‌يه‌.
ناڤهاتى بۆ ئاژانسا شه‌فه‌ق نيوز ئاشكرا ژى كر؛ تا نوكه‌ پشكا هه‌رێما كوردستانێ د بودجه‌يا سالا 2023ێ دا نه‌هاتيه‌ ده‌ستنيشانكرن و مه‌ داخواز كريه‌ كو پشكا هه‌رێما كوردستانێ 17% يان پتر بيت.
زێده‌ ژى كر: پێدڤيه‌ پشكا هه‌رێما كوردستانێ ل گۆره‌ى ئامارا ئاكنجيان، ده‌ستوورى، ياسايێ و رێككه‌فتنێن هه‌ڤپه‌يمانێن هه‌ڤپه‌يمانا برێڤه‌برنا ده‌وله‌تێ بيت.
نێچيرڤان بارزانى سه‌رۆكێ هه‌رێما كوردستانێ ژى دوهى شه‌مبيێ داخواز كربوو كو ده‌ستوور نه‌هێته‌ په‌راوێزكرن و هه‌مى مادده‌ و برگه‌يێن وێ بهێنه‌ بجهئينان.
 

More About