ئهمريكا سزايێن نوى ل سهر دههـ بهرپرسێن سوپايێ پاسدارێن ئيرانێ سهپاندن
گاڤ
وهزارهتا گهنجينهيێ يا ئهمريكا ئهڤرۆ دوشهمبيێ ژمارهيهكا سزايێن نوى ل سهر سوپايێ پاسدارێن ئيرانێ سهپاندن.
وهزارهتا گهنجينهيێ يا ئهمريكا راگههاند؛ سزايێن نوى ل سهر كهسێن بهرپرسيار ژ سهركۆتكرنا خۆنيشاندانان و لايهنێن هاريكاريا ماددى پێشكێشى وان دكهن، هاتنه سهپاندن.
سزايێن ئهمريكى يێن نوى ل سهر دههـ كهسان ژ وان ژى جێگرێ وهزيرێ ههوالگيريێ يێ ئيرانێ و چار سهركردهيێن سوپايێ پاسداران هاتينه سهپاندن.
وهزارهتێ زێده ژى كر: ئهو كهسێن سزا ل سهر هاتينه سهپاندن، فهرمانا گوللـهبارانكرنا خۆنيشاندهران ل ئيرانێ دابوون.
ههر ژ دهمێ گيانژدهستدانا ژينا ئهمينى ل 16ى ئيلۆنا سالا بۆرى پشتى سێ رۆژان ژ دهستهسهركرنا وێ ژ لايێ پۆليسێن ئيرانێ ڤه، خۆنيشاندانێن بهرفرههـ ل ئيرانێ برێڤهچووينه و تێدا ب سهدان كهسان گيانێ خۆ ژدهستداينه و بريندار بووينه.