پتر ژ 10 هزار كهسان ل ژاپۆنێ د ڤێ ههيڤێ دا ب كۆرۆنايێ مرينه
01/28/2023 - 23:42
گاڤ
پتر ژ 10 هزار حالهتێن مرنێ ب ڤايرۆسێ كۆرۆنايێ ل وهلاتێ ژاپۆنێ د ڤێ ههيڤێ دا هاتينه تۆماركرن.
ههر ژ دهستپێكا بهلاڤبوونا ڤايرۆسێ كۆرۆنايێ، ژمارهيا حالهتێن مرنێ ب ڤايرۆسى ل ژاپۆنێ د ڤێ ههيڤێ دا گههشتيه بلندترين ئاستێ خۆ.
ئاژانسا نووچهيان يا ژاپۆنى كيودۆ راگههاند؛ 252 كهسان ژ بهر تووشبوونێ ب ڤايرۆسێ كۆرۆنايێ د 24 دهمژمێرێن بۆرى دا گيانێ خۆ ژدهستداينه.
ئاشكرا ژى كر؛ حالهتێن گيانژدهستدانێ ب ڤايرۆسى د ڤێ ههيڤێ دا ل ژاپۆنێ گههشتينه 10 هزار و 124 كهسان كو بلندترين ژمارهيه ههر ژ دهستپێكا بهلاڤبوونا ڤايرۆسى ل ژاپۆنێ ل سالا 2020ێ.
ژاپۆنێ دوهى ئهينيێ 54 هزار و 800 حالهتێن تووشبوونێ ب كۆرۆنايێ تۆماركرن و ههر ژ دهستپێكا ديسهمبهرێ حالهتێن مرنێ ب كۆڤيد-19 ل ژاپۆنێ زێدهبووينه.