گاڤ 
کۆمپانیا مێتا بریارا دەرخستنا 10 هزار کارمەندێن خۆ دا و ئەگەر بۆ پێشڤەبرنا کۆمپانیێ و بجهئینانا پلانا درێژخایەن یا کۆمپانیێ یە.
مارک زوکەربێرگ، سەرۆکێ جڤاتا کارگێری یا کۆمپانیا مێتا کو خودانا فەیسبۆک و ئینستاگرام و چەندین براندێن دی یە، بریارا دەرخستنا 10 هزار کارمەندێن خۆ دا و زوکەربێرگی دیار کر: دەرخستنا وان بۆ وێ یەکێ مێتا ببیتە کۆمپانیەکا تەکنۆلۆژی یا باشتر، کارێ وێ پێشڤە بچیت و ئەو بشێن پلانا خۆ یا درێژخایەن بجهـ بینن.
کۆمپانیا مێتا ل هەیڤا چریا دویێ یا پار ژی 11 هزار کارمەندێن خۆ دەرخستبوون و پشتی دەرخستنا وان، بریار دایە زوی ب زوی کارمەندێن نوی وەرنەگریت.